Baskoniaren lehen garaipena Euroligan, Panathinaikosen aurka (81-79)
Saski Baskoniak Panathinaikos hartu du Buesa Arenan Euroligako hirugarren jardunaldian, eta, asko sufritu eta gero, Gasteizen geratu dira hiru puntuak (81-79).
Dusko Ivanovicen taldea aurreneko bi partidak galduta heldu da neurketa honetara; Olinpiakosen aurka jipoia jaso zuen Atenasen (75-50) eta Olinpia Milanen kontra galdu zuen gero Gasteizen (64-78).
Panathinaikosek, bere aldetik, partida bat galduta abiatu zuen txapelketa, AS Monako (75-63) taldearen aurka, eta, ondoren, Fenerbahce egungo txapeldunari irabazi zion Grezian (91-87), neurketa bikaina jokatuta.
Partida honi dagokionez, Baskoniak hasiera ona izan du; hiruko jaurtiketak sartu dituzte, aurreko bi partidetan ez bezala. Halere, lehen laurdenaren amaieran atzetik joan da (15-17). Partidak ildo beretik jarraitu du, baina talde gasteiztarra aurretik heldu da atsedenaldira (40-35).
Hirugarren laurdena indartsu hasi du Baskoniak, eta 8-0eko partziala eginda, 11 puntuko aldea jarri du markagailuan (49-38). Hala ere, Papapetrouren puntuei esker, greziarrak partidan sartu dira berriro laurden horretan bertan (51-49).
Azken hamar minutuak 61-59ko emaitzarekin hasi dira, eta oso parekatuta heldu da azken segunduetara. Azken jokaldian, Grangerrek defentsa bikaina egin du, eta Baskoniako jokalariaren lan horri esker, Panathinaikosek ez du hiruko jaurtiketa sartu. Neurketa 81-79 amaitu da.
Fitxa teknikoa
81 - Baskonia (15+25+21+20): Granger (12), Giedraitis (16), Fontecchio (16), Costello (1) eta Nnoko (4); Baldwin (7), Marinkovic (3), Enoch (7), Sedekerskis (15) eta Kurucs (-).
79 - Panathinaikos OPAP (17+18+24+20): Macon (7), Sant-Roos (9), Papapetrou (22), Okaro White (7) eta Papagianis (2); Perry (9), Nedovic (5), Floyd (2), Kaselakis (2) eta Evans (8).
Fernando Buesa Arena: 7.602 ikusle.
Partzialak: 15-17, 25-18, 21-24 eta 20-20.
Epaileak: Ryzhyk, Rocha eta Panther.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.