Baskonia, nagusi Efesen aurka
TD Systems Baskoniak garaipena lortu du Anadolu Egfesen aurka (59-77) jokatu duen Euroligako 12. jardunaldiko partidan. Turkiarren aurka jokatu dituen azken lau neurketak galdu egin ditu Arabako taldeak, baina ostiral honetan Istanbulen irabazita Efesekin berdindu sailkapenean, bi taldeek seina garaipen dituztelarik.
Efesek hobeto ekin dio norgehiagokari, erritmo biziagoarekin eta hiru hiruko jarraian saskiratuta. Lehen abantailak etxeko taldeak eskuratu ditu, baina Baskoniak ez dio aurkariari ihes egiten utzi, batez ere Youssoupha Fallek taulapean erakutsi duen nagusitasunagatik (20-17).
Gasteizko taldearen arazo nagusia defentsako errebotean egon da, baina Dusko Ivanovicek zuzentzen duen taldeak konponbidea aurkitu dio arazoari Tonye Jekirik eta Achille Polonorak egin duten lanari esker. Efesen barrualdea behin eta berriz zigortu du Baskoniak, eta abantailarekin iritsi da atsedenaldira (37-42).
Shane Larkin Efeseko jokalaria ez da eroso ibili egin dituen saiakeretan eta talde gasteiztarrak hirugarren laurdeneko lehen hiru minutuetan 12 puntuko errenta erdietsi du hiru hiruko jarraian sartuta. Bryant Dunston eta Rodrigue Beaubois talde turkiarreko jokalariak konektatzen hasi dira, baina Baskoniak ondo eutsi dio aurkariari. Ivanovicek Zoran Dragic hautatu du Pierria Henryri erreleboa emateko, Luca Vildozak ezin izan baitu jokatu, eta Arabako taldea 13 puntuko abantailarekin heldu da azken laurdenera (50-63).
Baskoniak neurketa honetarako zuen plana mantendu du amaierako hamar minutuetan, ez dio Efesi erraztasunik eman eta turkiarrek 9 puntu soilik lortu dituzte azken laurdenean. Amaieran, TD Systems Baskonia irabazle (59-77).
Fitxa teknikoa:
59 - Anadolu Efes (20+17+13+9): Larkin (8), Simon (5), Anderson (4), Singleton (5) eta Sanli (7) -hasierako taldea- Beaubois (4), Balbay (5), Gazi (5), Tuncer (-), Moerman (7), Micic (4), eta Dunston (5).
77 - TD Systems Baskonia (17+25+21+14): Henry (11), Giedraitis (7), Sedekerskis (4), Polonara (12) eta Fall (12) -hasierako taldea-, Raieste (-), Jekiri (8), Peters (18), Dragic (4) eta Kurucs (1).
Epaileak: Robert Lottermoser (Alemania), Milivoje Jovcic (Serbia) eta Saso Petek (Eslovenia). Kanporaturik gabe. Teknika adierazi diote Atamani (Efes) 16. minutuan.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.