Baskoniak porrota jaso du CSKAren aurka, Moskun
TD Systems Baskoniak porrota jaso du CSKA Moskuren aurka (86-89) jokatu duen Euroligako zortzigarren jardunaldiko partidan eta txapelketa honetan jarraian galtzen duen hirugarren neurketa izan da ostegun honetakoa.
Gaizki ekin dio norgehiagokari Baskoniak eta Errusiako taldea horretaz baliatu da, hasieratik abantaila handiak lortzeko (15-5). Asko sufritzen ibili da Dusko Ivanovicek zuzentzen duen taldea hasierako hamar minutuetan eta CSKAk zazpi puntuko errenta lortu du (23-16).
CSKAk partida hasieran izan duen bizitasuna galdu du bigarren laurdenaren hasieran, eta Baskoniak desabantaila puntu bakarrera murriztea lortu du (23-22). Hala ere, Moskuko taldea hiruko jaurtiketak saskiratzen hasi da, batez ere lau hiruko sartu dituen Darrun Hilliarden bidez, eta etxeko taldea 12 puntuko abantailarekin iritsi da atsedenaldira (47-35).
Pierria Henryk ez du len zati ona egin eta hirugarren laurdenean ere faltan bota du Baskoniak. Gainera, Rokas Giedraitisek egindako faltek ez diote taldeari lagundu eta Youssoupha Fall kantxaratu behar izan du Ivanovicek. Fallekin hobera egin du Baskoniak eta aldeak murriztu ditu, baina Hilliardek ez du utzi hirugarren laurdenean CSKA behera etor zedin (66-58).
Azken laurdenaren hastapenean, CSKA izan da nagusi eta abantaila ia beti 9 eta 12 puntu inguruan mantentzea lortu du. Hala ere, Pierria Henry esnatu egin da laugarren laurden honetan, eta 5-20ko partziala lortuta, Baskoniak neurketa berdindu du (84-84) amaierarako 30 segundo falta zirenean. Partidaren amaieran, ordea, berriz Hilliard azaldu da, eta CSKAk lortu du garaipena (89-86).
Fitxa teknikoa:
89 - CSKA Mosku (23+24+19+23): Hackett (16), Hilliard (31), Kurbanov (2), Shengeila (12) eta Milutinov (7) -hasierako taldea-, Bolomboy (-), Voigtmann (2), Khomenko (7), Antonov (-) eta Clyburn (12).
86 - TD Systems Baskonia (16+19+23+28): Henry (17), Dragic (3), Giedraitis (10), Polonara (8) eta Jekiri (-) -hasierako taldea-, Vildoza (13), Sedekerskis (-), Diop (-), Fall (19), Peters (-) eta Kurucs (3).
Epileak: Mateu Boltauzer (Eslovenia), Jakub Zamojski (Polonia) eta Eduard Udyanskyy (Ingalaterra). Kanporaturik gabe.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.