Baskoniak galdu egin du azkenaren etxean, eta play-offera hurbildu ezinik dago
Kirolbet Baskoniak galdu egin du asteazken honetan Zenit San Petersburgoren aurka jokatu duen Euroligako neurketa (72-66). Neurketa oso txarra jokatu dute bi taldeek (39 baloi galdu dituzte guztira, horietako 19 gasteiztarrek), eta, hartara, une erabakigarrienetan akats gutxien egin dituenak bereganatu du garaipena.
Errusiarrak sailkapeneko azken postuan zeuden kokatuta, bost garaipen soilik lortu ostean, horietako lau etxetik kanpo. Ondorioz, itxura guztien arabera, kantxa samurra izan zitekeen arabarrentzat, Europan darabilten ibilbide okerra zuzentzeko, baina oraingoan ere gaizki aritu da Ivanovicek zuzentzen duen taldea.
Baskonia atzetik joan da markagailuan norgehiagokako zatirik gehienetan, baina aurretik jarri da partidaren amaiera aldean (63-65, 01:45 falta zirenean). Haatik, azken jokaldietan akats potoloak egin dituzte Gasteizko taldekoek, eta horrek porrota ekarri die.
Gasteiztarrek errebotea galdu dute, hiru puntuko marratik ez dute asmatu, eta ezin izan dute Will Thomas gelditu (27 puntuko balorazioa). Errusiako taldeko jokalari estatubatuarrak Mateusz Ponitka poloniarraren bultzada izan du bidelagun (21eko balorazioa).
Arabarren aldetik, "Toko" Shengelia georgiarra izan da onena, 24 puntuko balorazioarekin. Nik Stauskas kanadarra ere ondo aritu da, 15 puntu saskiratuta, baina bien ekarpena ez da nahikoa izan garaipena eskuratzeko.
Horrenbestez, Baskoniak guztira zazpi norgehiagoka irabazi ditu orain arte. Moskura joan behar du orain, CSKA txapeldunaren aurka jokatzeko.
Fitxa teknikoa:
72 - Zenit San Petersburgo (23+16+14+19): Renfroe (6), Hollins (2), Ponitka (14), Will Thomas (19), Iverson (10) –hasierako bostekoa–; Albicy (5), Khvostov (-), Trushkin (-), Voronov (3), Zubkov (3), Abromaitis (3) eta Ayon (5).
66 - Kirolbet Baskonia (16+15+18+17): Henry (13), Janning (9), Shields (4), Shengelia (13), Fall (2) –hasierako bostekoa–; Diop (4), Sergi Garcia (-), Stauskas (15), Pollonara (-) eta Eric (6).
Epaileak: Olegs Latisevs (Letonia), Anne Panther (Alemania) eta Gytis Vilius (Lituania). Ez dute inor kanporatu.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.