Kosner Baskoniak sendo jarraitzen du Virtusi irabazita (72-82)
Kosner Baskoniak sendo jarraitzen du Euroligan, eta Virtus Bolonia menderatu du ostiral honetan (72-82), etxetik kanpo bigarren garaipena lortuta, minutu askotan nagusi izan den partidan.
Lehen saskiratzea bi minutu baino gehiago igaro ondoren heldu da, baina Baskoniak 2-15eko partziala lortu du gero hasierako minutuetan, batez ere Eugene Omoruyi nabarmenduta.
Virtusen bost baloi galtzek eta jaurtiketen aukeraketa kaskarrak funtsezkoak izan dira lehen laurdena 21-28 amaitzeko.
Eugene Omoruyik gidatu du Gasteizko jokalarien jokoa bigarren laurdenean, baina Virtus aldea murrizten hasi da Derrick Alston eta Daniel Hacketten bidez, eta buelta eman dio markagailuari: 37-35. Markus Howarden 5 puntuk, baina, arnasa eman diote Baskoniari, eta aurretik joan da atsedenaldira, 39-44.
Italiako taldeko saskiratzaile onenak 3. falta pertsonala egin ostean, eta Paolo Galbiatiren taldeko defentsa lanari esker, Baskoniak aurretik jarraitu du partida amaitzeko 10 minuturen faltan: 53-57.
Azken laurdenean, Baskonia hobeto hasi da, arnasa hartu du eta aldeari eutsi dio. Etxeko taldea, berriz, epaileen erabakiekin gero eta haserreago agertu da, eta 2 teknika jaso ditu.
Tim Luwawu-Cabarroten eta Clement Frischen 2 hirukok zuloa ireki dute, nahiz eta Carsen Edwardsek bere taldea bizkarrean eraman nahi izan duen.
Kosner Baskoniak kontrolpean izan du partidaren amaiera, eta 10 puntuko aldea aterata nagusitu da azkenean: 72-82.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.