Baskoniak Kanaria Handiari irabazita eman dio amaiera lehen itzuliari
Kirolbet Baskoniak 72-89ko emaitzarekin irabazi dio Herbalife Kanaria Handiari Endesa Ligako 17. jardunaldiko partida. Horrenbestez, garaipenarekin amaitu du lehen itzulia talde gasteiztarrak.
Neurketa parekatuta hasi den arren, Fotis Katsikarisek zuzentzen duen taldea nagusitzen hasi da lehen bi minutuen ostean, eta hamar puntuko abantaila (17-7) eskuratu du. Dusko Ivanovicek neurketa gelditu behar izan du, baina hutsarteak ez du eraginik izan, errenta 12 punturaino handitu baitu Kanaria Handiak (22-10). Momentu zailak gainditu, eta Baskoniak erreakzionatu egin du, 0-14ko partziala lortuta, eta aurrea hartuta (22-24). Arabako taldeak, partidan sartzea lortu du, nahiz eta lehen laurdena desabantailarekin bukatu duen (28-25).
Bigarren laurdenaren hasieran ere etxeko taldea nagusitu da, zazpi puntuko abantaila eskuratuta (34-27). Baskoniak taulapeko jokoan indartsu mantentzeko helburuari eutsi dio, eta desabantaila pixka bat murriztea lortu du (36-31). Bigarren laurdenaren azken txanpan aurkaria baino gehiago izan da Kirolbet Baskonia, eta puntu bakarreko desabantailarekin (44-43) joan da atsedenaldira.
Bikain etorri zaio atsedenaldia Kirolbet Baskoniari, aldageletatik bueltan 0-11ko partziala sartu baito Kanaria Handiari. Diopek eta Shengeliak lan ona egin dute, Stauskasen eta Henryren laguntzarekin. Horren guztiaren eraginez, Gasteizko taldeak aldeko 55-68ko emaitzarekin amaitu du hirugarren laurdena.
Aurreko laurdenean lortutako errentak lasaitasuna eman dio Baskoniari, eta 0-11ko beste partzial bat lortuta, garaipena bideratuta utzi du. Herbalife Kanaria Handia ezinean ibili da, Kirolbet Baskoniak ondo kudeatu du partidaren azken txanpa, eta 72-89ko emaitzarekin lortu du garaipena.
Fitxa teknikoa:
72. Herbalife GKanaria Handia (28+16+11+17): Cook (6), Shurna (12), Rabaseda (8), Costello (8), Harper (10) -hasierako taldea-, Okoye (2), Bourousis (12), Paulí (2), Burjanadze (10), Radicevic (2) eta Beiran (-).
89. Kirolbet Baskonia (25+18+25+21): Henry (12), Janning (8), Diop (16), Shengelia (13), Shields (15) -hasierako taldea- García (-), Fall (4), Stauskas (11), Polonara (4) eta Eric (6).
Epaileak: J. A. Martin Bertran, Luis Miguel Castillo eta Jacobo Rial. Kanporaturik gabe.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.