Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean

Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.

E. I. I. | KIROLAK EITB

2026/03/24 - 20:46

Azken eguneratzea

2026/03/24 - 20:46

Kosner Baskonia zaleek ematen dioten energia aprobetxatzen saiatuko da, 2025-2026 denboraldiko Euroligaren fase erregularrean daraman bolada txarra zokoratzeko. Asteazken honetan Izar Gorria izango dute aurkari, eta motibaturik daude sailkapenari dagokionez.

Gasteizko taldea txapelketa kontinental handienean nahiko txarto dabil, eta ezin izan du sailkapeneko goiko postuetan egon. Paolo Galbiatik zuzentzen duen taldea jokalarien lesioen ondorioz makaldurik dago, eta zazpi porrot izan ditu erreskadan, gainera, 90 puntu edo gehiago jaso ditu, eta Euroligan azkeneko hamar partidatatik bederatzi galdu ditu, urtarrilaren 30etik ez du garaipenik lortu txapelketan.

Zaleen animoekin saiatuko da dinamika hori geldiarazten, baina parean Gasteizera motibazioz puztuta ailegatuko den aurkaria izanen du. Izar Gorriak denboraldi ona egiten ari da txapelketan, eta sei onenen artean sartu ahal izateko lehian ailegatuko da Buesa Arenara, 18 garaipenekin, Baskoniak halako bi.