Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
Chima Moneke Baskoniako jokalari ohia, baloia eskuratzeko borrokan, Buesa Arenan. Argazkia: EFE
Kosner Baskoniak 100-108 galdu du gaur Izar Gorriaren aurka Euroligako 33. jardunaldian. Alternatibaz beteriko partida izan da, eta luzapenean Belgradeko taldeak saria izan du, batez ere Chima Moneke Baskoniako jokalari ohiaren lanari esker. Nigeriako hegal-pibota txalo baino txistu gehiagorekin hartu dute zale gasteiztarrek Buesa Arenan.
Bbisitariak ondo hasi dira Jordan Nworaren eskutik, eta 11-20koa jarri dute lehen laurdenaren erdian. Baina orduan Kobi Simmonsek Baskonia piztu du, eta Clement Frischek eta Trent Forrestek lagunduta.
Hala ere, Belgradeko taldeak 10. minutua agortu du 27-28 markagailuan aurretik zela, epaileek Joel Bolomboyk Eugene Omoruyiri egindako tapoi polemikoa legezkotzat jo dutelako.
Hala eta guztiz ere, norgehiagokaren inertziak mesede nabarmena egin dio Paolo Galbiatiren mutilei. Eta hala erakutsi dute Timothe Luwawu-Cabarrotek bigarren zatiaren hasieran lortutako saskiraketek, Baskoniari errenta laburrak eman baitizkiote (33-28, 37-32).
Errenta labur horiek arabarrek ondo kudeatu dituzte, eta baita areagotu ere, jaurtiketa libreetan asmatuta. Atsedenaldira 52-42 markagailuan aurretik iritsi dira. Hirugarrren laurdena 67-66 amaitu da, eta neurketaren testuinguruak irribarre egin dio Izar Gorriari. Azken laurdenaren hasieran berriro jarri da aurretik, Monekeren jaurtiketa libreei eta Butlerri esker. Serbiarrek defentsa gogortu dute, eta barruko jokoan asko nabaritu da, batez ere Diakite faltengatik egotzi ondoren.
Partidaren azken txanpan berdintasuna izan da nagusi. Forrestek azken hatsean norgehiagoka irabazteko jaurtiketa izan du, baina baloiak 'gorbata' egin du saskian (91-91).
Luzapenean, Monekek eta Luwawu-Cabarrotek euren lehia berezia bizi izan dute, Frisch bigarren mailako aktorea izanik Baskonian; Izar Gorrian rol horixe bera Ojeleyek bete du; izan ere, hiruko eta mate batekin 100-106koa jarri du 49.2 segundoren faltan. Ondoren, Monekek errebotea itxi du Baskoniak etsi-etsian egin duen jaurtiketa batean, eta hortxe bukatu da partida.
Zure interesekoa izan daiteke
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.