Kirolbet Baskoniak astindua jaso du OAKAn (100-68)
Kirolbet Baskoniak Euroligan bizi zuen une onari amaiera eman dio ostegun honetan, multzoen faseko hamaikagarren jardunaldian, Panathinaikosen aurka OAKAn oso esanguratsua den emaitzarekin galdu eta gero (100-68).
Velimir Perasovicen mutilek Euroligako ibilbidea zuzentzea lortu zuten joan zen astean, jarraian erdietsitako bi garaipenekin. Alabaina, gaurkoan, sufritzea egokitu zaie berriro Buesa Arenatik urrun, batez ere bigarren zatian, non erreboteek eta perimetrotik izandako eraginkortasun eskasak greziarren alde erabaki duten neurketa.
Nick Calathesek maisuki zuzendu du bere taldea (12 puntu, 8 asistentzia eta 23ko balorazioa), baina Baskoniak aurkariaren jardun onari eutsi ahal izan dio bigarren laurdenaren erdiraino (20-17, lehen laurdenaren amaieran eta 32-27, 15. minutuan), Stauskasen hirukoei eta erasoan harrapatutako erreboteei esker (46-36, atsedenaldian).
Hala ere, Rick Pitinok zuzentzen duen taldeak sendotu egin du erasoko lana, neurketa bikaina jokatu duen Jimmer Fredetteren eskutik, batez ere. Jokalari estatubatuarrak 21 puntu sartu, 5 asistentzia eman eta 4 errebote harrapatu ditu. Deshaun Thomas ere ez da atzean geratu (15 puntu eta 8 errebote) eta, jakina, aipatutako Calathes ere ezin hobeto aritu da.
Gasteiztarren aldetik, Tornike Shengelia saiatu da etxekoen jarioa geldiarazten, baina alperrik. Fallek pinturan lortutako puntuek ere (12) ez dute behar adinako laguntzarik eman. Izan ere, hirugarren laurdenean 26-15eko partziala jaso dute arabarrek, eta horrek behin betiko erabakita utzi du neurketa etxekoen alde.
Porrotak hamargarren postuan utzi du Baskonia. Perasovicen mutilek balantze negatiboa dute (5 garaipen eta 6 porrot), baina zortzi onenetatik gertu jarraitzen dute oraindik. Hurrengo erronka Anadolu Efesen aurka izango dute gasteiztarrek, hau da, Euroligako bigarren sailkatuaren kontra.
Porrotaz gain, albisterik okerrena Luca Vildoza argentinarra bigarren zatian jokatu gabe geratu dela da, min hartu baitu sorbaldan.
Fitxa teknikoa:
100 - Panathinaikos (20+26+26+28): Calathes (12), Fredette (21), Papapetrou (11), Thomas (15) eta Papagiannis (6) -hasierako bostekoa-, Rice (12), Thomas (15), Pappas (2), Vougioukas (2), Johnson (9), Wiley (2), Bentil (5) eta Mitoglou (3).
68 - Kirolbet Baskonia (17+19+15+17): Henry (4), Janning (8), Shields (8), Shengelia (11) eta Fall (12) -hasierako bostekoa-, Vildoza (-), Diop (-), Stauskas (12), Pollonara (4) eta Eric (9).
Epaileak: Robert Lottermorser (Alemania), Olegs Latisevs (Letonia) eta Gytis Vilius (Lituania). Ez dute inor kanporatu.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.