Defentsak beste garaipen bat eman dio Baskoniari (70-60)
Kirolbet Baskoniak 70-60 irabazi du ostiral honetan Zenit San Petersburgoren aurkako norgehiagoka, Euroligako hamargarren jardunaldian. Arabarrek partida serioa eta handikeriarik gabekoa jokatu dute, beste behin ere defentsako lana ardatz hartuta, eta jardun horrek ezerezean utzi ditu errusiarren hainbat baliabide.
Joan den asteazkenean CSKAren aurka (80-70) bereganatutako lehiaren ostean, asteko bigarren garaipena erdietsi du Baskoniak. Emaitza horrekin, irabazitako eta galdutako partiden kopurua orekatzea lortu dute Perasovicen mutilek (5-5), eta sailkapeneko bederatzigarren tokira igo dira, play-offetako postuetatik garaipen bakarrera.
Tornike Shengelia izan da berriz ere bere taldeko gizonik aipagarriena, 20 puntu eta 7 erreboterekin, eta oraingoan laguntza ederra jaso du Ilimane Diop borrokalari batengandik (6 puntu, 7 errebote eta 13ko balorazioa). Senegaldarrari azken bi neurketek konfiantza berreskuratzeko balio izango diote.
Errusiarren aldetik, Gustavo Ayon mexikarra izan da bere neurria erakusteko gai izan den bakarra (18 puntu eta 19ko balorazioa). Real Madrileko jokalari ohiak ez du gainerako taldekideengandik ekarpen handiegirik hartu, akaso Tim Abromaitis estatubatuarrarena (11 puntu eta 15eko balorazioa).
Gaueko zorigaiztoko albistea, bestalde, Patricio Garino argentinarraren lesioa izan da, belaun bateko minez pistatik atera behar izan baitu lehen laurdena amaitu orduko. Osasun azterketak egin beharko dizkiote duen lesioaren larritasuna zehaztu ahal izateko.
Fitxa teknikoa:
70 - Kirolbet Baskonia (15+19+18+18): Henry (4), Stauskas (5), Garino (-), Shengelia (20) eta Fall (4) –hasierako bostekoa–, Vildoza (10), Janning (11), Diop (6), Shields (6), Pollonara (2) eta Eric (2).
60 - Zenit St. Petersburg (18+10+16+16): Renfroe (6), Hollins (10), Abromaitis (11), Will Thomas (4) eta Iverson (2) –hasierako bostekoa– Albicy (3), Khvostov (2), Ponkrashov (-), Pushkov (2) eta Ayón (18).
Epaileak: Sasa Pukl (Eslovenia), Mehdi Difallah (Frantzia) eta Saulius Racys (Lituania). Ez dute inor kanporatu.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.