Baskoniak garaipena lortu du Valentziaren aurka eta bolada onean jarraitzen du
Kirolbet Baskoniak garaipena lortu du Valentziaren aurka (85-74) Buesa Arenan jokatu duen 2019-20 denboraldiko Endesa Ligako 10. jardunaldiko partidan. Talde gasteiztarrak bost partida irabazi eta bost galdu ditu lehen hamar jardunaldietan.
Bizi eta ondo ekin dio neurketari Baskoniak, 5-0eko partzialarekin. Ondoren, abantaila 5-6 puntuan izan du Arabako taldeak, baina lehen laurdeneko azken bi minutuetan Valentziaren erantzuna iritsi da, eta atsedenaldira lehia berdinduta iristea lortu du talde bisitariak (19-19).
Bigarren laurdenaren hasiera ez da ona izan Kirolbet Baskoniarentzat. Valentzia nagusitu da, eta 0-9ko partzialarekin aurretik jarri da (21-28). Jarraian, Arabako taldeak neurketa berdindu du (28-28), eta 10-0eko partziala lortuta, aurrea ere hartu du (31-28). Laurden horren azken txanpan, aurkaria baino hobeto aritu da Baskonia, eta sei puntuko errenta lortu du partida atsedenaldira heldu denean (38-32).
Joko-bolada onean ibili den arren, atsedenaldia ondo etorri zaio Perasovicek zuzentzen duen taldeari, eta gaizki Valentziari. Kirolbet Baskonia jaun eta jabe izan da hirugarren laurdenean, eta zuloa ireki du markagailuan, 18 puntuko errenta lortzeraino (68-50). Azken laurdenari ekiteko, abantaila handitu egin du Baskoniak (72-59).
Laugarren laurdenaren hasieran Valentziak desabantaila pixka bat murriztea lortu duen arren, Baskoniak ez dio gehiegi hurbiltzen utzi, eta kontrolpean izan du norgehiagoka. Arabako taldea zertxobait erlaxatu da azken laurdenean, bisitariek emaitza txukundu dute, baina garaipena ez da inoiz arriskuan egon, eta partida Kirolbet Baskoniaren aldeko 85-74ko emaitzarekin bukatu da.
Fitxa teknikoa:
85 - Kirolbet Baskonia (19+19+33+14): Henry (10), Stauskas (16), Shields (17), Shengelia (10) eta Fall (7) –hasierako taldea–; Vildoza (4), González (-), Janning (4), Diop (10), Polonara (5) eta Eric (2).
74 - Valentzia (19+13+20+22): Colom (10), Loyd (20), San Emeterio (8), Nodur (2) eta Tobey (-) –hasierako taldea–; Abalde (8), Labeyrie (2), Dubljevic (16), Motum (-), Vives (8) eta Sastre (-).
Epaileak: Daniel Hierrezuelo, Jose Ramon Garca Ortiz eta Martin Caballero. Kanporaturik gabe.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.