Baskoniak Pedro Martinez kargutik kendu eta Perasovic fitxatu du haren ordez
Kirolbet Baskoniak ostiral honetan iragarri duenez, Pedro Martinezek ez du klubeko entrenatzaile izaten jarraituko, eta, haren ordez, Velimir Perasovic kroaziarra fitxatu du talde gasteiztarrak.
Hiru partida jarraian galdu ostean hartu du erabaki hori Baskoniak. Euroligako bi (Fenerbahçeren eta Buductonosten aurka) eta Endesa Ligako bat (MoraBanc Andorraren kontra).
"Klubak gaurko egunez jakinarazi dio entrenatzaileari ez duela bere zereginetan jarraituko, eta, horrenbestez, Baskoniako diziplinatik kanpo geratu da", jasotzen du Baskoniak plazaratutako oharrak.
Martinez 2017ko urriaren 27an iritsi zen Baskoniara, eta urtebete eskas egon da taldea zuzentzen. Joan zen denboraldian, Endesa Ligako finalera arte eraman zuen taldea.
Pedro Martinez kargugabetu ostean, Baskoniak berehala jakinarazi du entrenatzaile berriaren izena: Velimir Perasovic. Horrenbestez, kroaziarrak hirugarren aldiz hartuko du Gasteizko taldea zuzentzeko ardura. Perasovicek aurtengo eta hurrengo denboraldirako kontratua sinatu du.
Splitekoa (Kroazia) larunbatean helduko da Gasteizera eta igandean jokatu beharreko Herbalife Kanaria Handiaren aurkako norgehiagokan egongo da entrenatzaile lanak betetzen.
Perasovicek bost urtez jokatu zuen Baskonian, eta, horren ostean, beste bi aldiz aritu da taldea zuzentzen. Lehendabizikoa, 2005/2006 denboraldian; bigarrena, 2015/2016an. Azken horretan, Baskoniak Berlingo Lauko Finalean egotea erdietsi zuen.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.