Baskoniak Valentzia menderatu eta lidergoa lortu du
Kirolbet Baskoniak eroso irabazi dio Valentzia Basketi (77-56) Buesa Arenan, eta, emaitza horri eta jardunaldiko gainerako emaitzei esker, Arabako taldea da orain Endesa Ligako liderra. Zazpi jardunalditan sei garaipen eta porrot bateko balantzea lortu du Pedro Martinezek zuzentzen duen taldeak, eta averageagatik dago lehen postuan, Real Madrilek (bigarrena) eta Bartzelonak (hirugarrena) puntu-kopuru bera izan arren.
Gasteizko taldeak 4-0eko partzialarekin ekin dio neurketari, eta aurretik ibili da laurden osoan zehar. Bosgarren minututik aurrera hautsi du partida Baskoniak (17-10), eta 9 puntuko abantailarekin (29-20) amaitu du lehen laurdena.
Bigarren laurdenean, jaun eta jabe izan da Arabako taldea, eta Valentzia ezinean ibili da. Talde bisitaria ez da gai izan Baskoniaren erasoak gelditzeko, ezta etxeko taldearen defentsa gainditzeko ere. Pedro Martinezek zuzentzen duen taldea nagusi izan da bigarren laurdenean, eta 13 puntuko errentarekin heldu da atsedenaldira (45-32).
Norgehiagokaren gidoia ez da aldatu atsedenaldiaren ostean. Baskonia nagusi eta Valentzia ezinean. Hirugarren laurdenean, Arabako taldea aise aritu da, abantaila handitzea lortu du, eta neurketa ia erabakita utzi du (58-41).
Kirolbet Baskoniak 17 puntuko abantailarekin ekin dio azken laurdenari, baina jokalariak ez dira erlaxatu, badaezpada. Gasteizko taldeak guztiz kontrolpean izan du neurketa, eta garaipen erosoa lortu du: 77-56.
Fitxa teknikoa:
77 - Kirolbet Baskonia (29+16+13+19): Huertas (10), Janning (9), Shields (4), Shengelia (14) eta Poirier (8); Vildoza (13), Voigtmann (2), Diop (3), Granger (5), Garino (9) eta Hilliard (-).
56 - Valentzia Basket (20+12+9+15): Van Rossom (2), Matt Thomas (16), San Emeterio (6), Will Thomas (2) eta Dubljevic (7); Abalde (2), Labeyrie (3), Tobey (8), Vives (8) eta Doornekamp (2).
Epaileak: Juan Carlos Garcia Gonzalez, Fernando Calatrava eta Martin Caballero. Ez dute inor kanporatu.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.