Albiste da:

Gasteizek 2019ko Euroligako Lauko Finala hartzeko lekukoa jaso du

Ramiro Gonzalez Arabako ahaldun nagusiak jaso zuen lekukoa Belgraden. Bertan izan ziren Bingen Zupiria Eusko Jaurlaritzako kultura kontseilaria eta Gorka Urtaran Gasteizko alkatea.

Ramiro Gonzalez. Argazkia: EFE — Ramiro Gonzalez Arabako ahaldun nagusia, lekukoa jasotzen Stark Arenan. Argazkia: EFE

ERREDAKZIOA

2018/05/21 - 17:56

Azken eguneratzea

2018/05/21 - 19:02

Gasteizek hartuko du saskibaloiko 2019ko Euroligako finala eta igandean jaso zuen lekukoa. Belgraden jokatu zen 2018ko Lauko Finala eta Real Madril-Fenrbahçe finalaren atsedenaldian jaso zuen lekukoa Gasteizek.

Ramiro Gonzalez Arabako ahaldun nagusiak jaso zuen lekukoa finalaren atsedenaldian. Belgradeko Stark Arenan izan ziren baita Bingen Zupiria Eusko Jaurlaritzako kultura kontseilaria eta Gorka Urtaran Gasteizko alkatea.

Gainera, Pablo Laso gasteiztarrak zuzentzen duen Real Madrilek irabazi zuen Euroliga, finalean Fenerbahçe gaindituta.