Baskoniak Burgosi irabazi eta bigarren postuan amaitu du sasoi erregularra
Kirolbet Baskoniak 102-82 irabazi dio San Pablo Burgosi Endesa Ligako azken-aurreko jardunaldiko partida eta Arabako taldeak sailkapeneko bigarren postuan amaitu du denboraldi erregularra. Ondorioz, Pedro Martinezek zuzentzen duen taldearen lehen aurkaria playoffetan, zazpigarren sailkatua izango da.
Hasieratik nagusi izan da Baskonia (6-0 eta 11-2). Arabako taldearen nagusitasunari esker, abantaila handiak hartu ditu Pedro Martinezek zuzentzen duen taldeak eta 13 puntuko errenta lortu du lehen hamar minutuen amaieran (26-13). Bigarren laurdenaren gidoia eta lehenengoarena oso antzekoa izan da; Baskonia jaun eta jabe eta Burgos ezinean. Ondorioz, Gasteizko taldeak 13 puntuko abantaila mantendu du atsedenaldira iristean (46-33).
Atsedenaldiaren ostean, ordea, San Pablo Burgosek hobeto ekin dio neurketari eta desabantaila murriztea lortu du, 5 puntura hurbildu arte (56-51). Baskoniaren hirugarren laurdena oso txarra izan da. Hala ere, Arabako taldea aurretik iritsi da azken laurdenera (69-62). Azken hamar minutuetan, Kirolbet Baskonia berriro nagusi izan da, eta garaipen erosoa lortu du (102-82).
Fitxa teknikoa:
102 - Kirolbet Baskonia (26+20+23+33): Huertas (2), Janning (15), Timma (3), Voigtmann (4) eta Diop (6) -hasierako bostekoa-, Vildoza (18), Beaubois (20), Poirier (14), Shengelia (16) eta Garino (4).
82 - San Pablo Burgos (13+20+29+20): Fisher (13), Barrera (-), Gailius (11), Thompson (11) eta Huskic (10) -hasierako bostekoa-, Schreiner (10), Alex Lopez (8), Jenkins (4), Cancar (7), Vega (2), Sebas Saiz (6) eta Edu Martinez (-).
Epaileak: Fernando Calatrava, Rafael Serrano eta Antonio Sacristan. Saiz (min. 32) kanporatu dute faltak egiteagatik. Teknika adierazi diote Diego Epifaniori (min. 26).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.