Real Madrilek lehen postua berretsi du Kirolbet Baskoniaren kontura (101-89)
Real Madrilek Endesa Ligako lehen postua ziurtatu du Kirolbet Baskonia apal baten lepotik (101-89), 29. jardunaldiari zegokion atzeratutako partidan. Madrildarrek Rudy Fernandezen ekarpena izan dute giltzarri euren garaipena erdiesteko (16 puntu, 4 errebote, 6 asistentzia eta 28ko balorazioa), Luka Doncicek jokatu ezin izan duen partidan.
Balearretako hegalekoa arduratu da bere taldeak bigarren partzialean markagailuan alde egitea lortzeaz, baita azken laurdenean Luca Vildoza argentinarrak jarraian sartu dituen 10 puntuei erantzuteaz ere.
Izan ere, Baskoniako joko-antolatzaileak zazpi puntura murriztu du ordura arte talde zuriak zeukan abantaila, eta Pablo Lasok hutsartea eskatu behar izan du sei minuturen faltan, bisitarien bolada eteteko.
Aitzitik, hutsarte horren ostean, NBAn ibilitako jokalariak eraginkor jarraitu du, eta Liga amaitzeko lau jardunaldiren faltan bere taldeak lehen postua ziurtatu izan dezala ahalbidetu du. Baskoniak, berriz, bigarren tokian jarraitzen du Bartzelonarekin berdinduta.
Fitxa teknikoa:
Real Madril 101 (25+27+23+26): Causeur (11), Pantzar (-), Taylor (6), Reyes (14) eta Ayon (-) -hasierako bostekoa-, Fernandez (16), Radoncic (-), Yusta (4), Carroll (13), Tavares (6), Llull (14) eta Thompkins (17).
Kirolbet Baskonia 89 (24+20+18+27): Vildoza (22), Timma (7), Malmanis (-), Janning (13) y Poirier (10) -hasierako bostekoa - Shengelia (6), Beaubois (6), Voigtmann (12), Huertas (9), Diop (4) eta Garino (-).
Epaileak: Antonio Conde, Oscar Perea eta Martin Caballero. Ez dute inor kanporatu.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.