Baskoniak bigarren postuari eutsi dio, UCAM Murtziari irabazita
Kirolbet Baskoniak 87-85 irabazi dio UCAM Murtziari Buesa Arenan Endesa Ligako 30. jardunaldiko partida. Asko sufrituta lortu du garaipena Gasteizko taldeak eta sailkapeneko bigarren postuari eutsi dio.
Partidako lehen minutuak parekatuak izan dira, eta Baskoniari kosta egin zaio markagailuan zuloa irekitzea. Lehen laurdenaren erdialdetik aurrera hasi da Baskoniaren nagusitasuna nabarmentzen eta 9 punturainoko abantaila izan du (26-17). Arabako taldeak 7 puntuko errenta lortu du lehen hamar minutuen amaieran (26-19).
Bigarren laurdenaren hasieran, ordea, UCAM Murtzia bizi atera da, eta Baskonia baino gehiago izan da lehen txanpan; ondorioz, aurrea hartu du talde bisitariak (26-27). Murtziako taldearen hasiera bikainak Baskoniaren erreakzioa ekarri du; Arabako taldeak defentsa sendotu du, eta erasoan gehiago asmatu du. Gauzak horrela, Baskonia aurkaria baino gehiago izan da, eta 6 puntuko abantailarekin (47-41) iritsi da atsedenaldira.
Atsedenaldiaren ostean, Baskonia nagusi izan da. Pedro Martinezek zuzentzen duen taldeak oso ondo ekin dio hirugarren laurdenari eta abantaila handiak lortu ditu. UCAM Murtziak ezer gutxi egin ahal izan du Arabako taldearen nagusitasunaren aurrean eta Baskoniak 9 puntuko abantailarekin ekin dio azken laurdenari (68-59).
Amaierako laurdena oso arraroa izan da. Baskoniak kontrolpean izan du neurketa abantaila handiekin, 13 punturainoko abantaila izan duelarik (81-68). Amaierarako minutu baten faltan, 6 puntura murriztu du desabantaila UCAM Murtziak (85-79) eta 28 segundoren faltan 2 puntura hurbildu da UCAM (87-85). Gainera, talde bisitariak azken jabetza izan du, baina Baskoniaren zorionerako ez du asmatu eta garaipena Gasteizen geratu da.
Fitxa teknikoa:
87 - Kirolbet Baskonia (26+21+21+19): Huertas (10), Beaubois (6), Timma (4), Shengelia (28) eta Poirier (9) -hasierako bostekoa-, Vildoza (10), Diop (2), Voigtmann (5), Janning (13) eta Garino (-).
85 - UCAM Murtzia (19+22+18+26): Hannah (15), Oleson (7), Rojas (-), Soko (12) eta Tumba (4) -hasierako bostekoa-, Álex Urtasun (5), Kloof (4), Delía (9), Lima (8), Benite (17) eta Faverani (4).
Epaileak: Carlos Cortes, Vicente Bulto eta Carlos Sanchez Monserrat. Kloof kanporatu dute (min. 38) bost falta egiteagatik.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.