Baskonia galtzaile atera da UCAM Murtziaren aurkako lehiatik (78-67)
Baskoniak sei garaipeneko bolada ona eten du Endesa Ligan UCAM Murtziarekin galduta. Etxekoek defentsa sendoa egin eta arabarren abiadura oztopatu dute, eta horri esker nagusia izan dira kantxan eta markagailuan.
UCAM Murtzian Marko Lukovic eta Ovie Soko izan dira protagonista, eta horiei esker lehen hiru minutuetan 9 eta 4 aurreratu dira murtziarrak.
Baskoniari dagokionez, arabarrek erreakzionatu egin dute, Tornike Shengelia buru zutela, eta lehen laurdena 17 eta 16 amaitu da. Bigarrenaren hasieran aurretik ere izan da momentu batez Pedro Martinezen boskotea (17-20).
Baina Ibon Navarroren taldeak 8 eta 0eko partziala egin du eta Murtzia berriro aurretik jarri da 25 eta 20. Clevin Hannahren hiruko bi saskiratzek bizitasuna eman diote etxeko taldeari eta 18. minuturako 10 puntuko aldea izan dute markagailuan (37-27).
Atsedenaldira 38 eta 32ko emaitzarekin iritsi dira. Ordura arte, UCAM Murtzia biziago aritu da, eta gasteiztarrei, berriz, nekea nabari izan zaie, ziurrenik ostiralean CSKA Moskuren aurka Euroligan jokatutako partidaren ondorioz.
Berdinketa
Hirugarren laurdenean, arabarrek markagailua berdintzea lortu dute (40-40) eta oreka horri eutsi diote laurdenaren amaiera arte (56-53).
Azken 10 minutuen hasieran, Lukovicek eta Charlon Kloofek bi hiruko egin dituzte eta hortik aurrera UCAM Murtziak bere aldeari eutsi dio. Vitor Beniteren beste hiruko batek norgehiagoka erabakita utzi du (72-61) amaierarako lau minuturen faltan. Horrela, Ibon Navarroren gizonek ez dute arazorik izan garaipena eskuratzeko.
Fitxa teknikoa
78 - UCAM Murtzia (17+21+18+22): Hannah (14), Oleson (6), Rojas (7), Soko (12), Tumba (4) -hasierako boskotea-, Álex Urtasun (6), Kloof (9), Delía (-), Lukovic (13) eta Benite (7).
67 - Baskonia (16+16+21+14): Granger (6), Janning (7), Timma (7), Shengelia (17), Voigtmann (11) -hasierako boskotea-, Huertas (7), Diop (5), Poirier (4), Jones (-) eta Garino (3).
eta Garino (3).Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.