Baskoniak garaipena eskuratu du Bartzelonaren aurka
Baskoniak garaipena lortu du Bartzelona Lassaren aurka (85-82) Buesa Arenan, Euroligako 14. jardunaldiko partidan. Ondorioz, asteazkenean Milanen aurka jasotako porrota ahaztu ahal izan du Arabako taldeak.
Bikain ekin dio partidari Baskoniak eta seigarren minuturako zazpi puntuko abantaila hartu du (18-11). Lehen laurdenaren azken txanpan, ordea, Bartzelonak aldeak murriztu ditu (22-17). Bigarren laurdenean nagusi izan da Baskonia eta erakustaldia eman du Pedro Martinezek zuzentzen duen taldeak. Ondorioz, 17 puntuko abantailarekin iritsi da Baskonia atsedenaldira (52-35).
Atsedenaldiaren ostean, Arabako taldeak nagusi izaten jarraitu du. Bartzelona ezinean ibili da, eta 17 puntuko errentarekin amaitu du Baskoniak hirugarren laurdena (74-57). Ematen zuen partida erabakita zegoela, baina Bartzelona aldeak murrizten hasi da, Baskonia erlaxatu egin da, eta amaierarako bost minutu falta izan direnean, neurketa berdindu du (74-74) 'Sito' Alonsok zuzentzen duen taldeak. Ondorioz, azken minutuak oso parekatuak izan dira. Gainera, azken minutuan aurrea hartu du Bartzelonak (81-82). Azken jabetzak, ordea, ondo jokatu ditu Baskoniak eta garaipena eskuratu du, uste baino estuasun gehiagorekin (85-82).
Fitxa teknikoa:
85 - Baskonia (22+30+22+11): Huertas (4), Janning (7), Timma (10), Shengelia (24) eta Poirier (14) -hasierako bostekoa-, Beaubois (7), Kevin Jones (8), Voigtmann (3) eta Granger (8).
82 - Bartzelona Lassa (17+18+22+25): Heurtel (8), Koponen (-), Sanders (2), Oriola (9) eta Seraphin (8) -hasierako bostekoa-, Ribas (15), Claver (2), Moerman (2), Hanga (14), Navarro (11) eta Tomic (11).
Epaileak: Luigi Lamonica (Italia), Piotr Pastusiak (Polonia), eta Spiros Gkontas (Grezia).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.