Baskoniak landutako garaipena lortu du Andorraren aurka
Baskoniak garaipen garrantzitsua lortu du Morabanc Andorraren aurka (94-97) eta zortzi garaipen ditu jada Endesa Ligan jokatu dituen 12 jardunalditan. Arabako taldea bosgarren da sailkapenean, laugarren den Bartzelonarekin eta seigarren den Herbaliferekin berdinduta, baina garaipen bakarrera ditu sailkapeneko hirugarren (Montakit Fuenlabrada) eta bigarren (Valentzia) postuak. Real Madril liderra bi garaipenera du Baskoniak.
Bikain ekin dio neurketari Pedro Martinezek zuzentzen duen taldeak 0-9ko partziala lortuta. Lehen laurdena aurrera joan ahala, ordea, Andorrak aldeak murriztu eta lehia parekatu du. Ondorioz, lau puntuko abantaila besterik ez du lortu Baskoniak lehen hamar minutuen amaieran (17-21). Bigarren laurdena hasi beszain laster aurrea hartu du MoraBanc Andorrak eta agintari ibili da markagailuan. Baskoniak une txarrak pasa ditu, baina ez dio utzi abantaila handia hartzen aurkariari eta berdinduta iritsi da partida atsedenaldira (42-42).
Ondo etorri zaio atsdenaldia Arabako taldeari, izan ere, hirugarren laurdenaren hasieran 12 puntuko abantaila lortu baitu (46-58). Etxeko taldea ez da etsitzeko egon eta aldeak murriztu ditu, hiru punturaino (66-69). Azken laurdena oso lehiatua izan da, eta azken segundora arte ez da erabaki irabazlea. Sei puntuko abantaila izan du Baskoniak (80-86), baina partida amaitzeko minutu bakarraren faltan aurrea hartu du Andorrak (94-92), 5-0eko partziala lortuta. Ondoren, Shengeliak hirukoa sartu du (95-94) eta MoraBancen erasoa Poirierrek gelditu du txapel ikusgarri batekin. Gainera, falta egin diote Poirierri berari eta bi jaurtiketa libreak sartu egin ditu. Hiru puntuko abantailarekin, neurketa erabakitzeko aukera izan du Janningek, baina bi jaurtiketa libreak huts egin ditu. Azken jabetza Andorrarentzat izan da, baina Blazicek ez du hirukoa sartu eta Baskoniarentzat izan da garaipena (94-97).
Fitxa teknikoa:
Andorra, 94 (17-25- 24-28): Fernández (21), Jelínek (7), Jankovic (0), Stevic (0), Karnowski (8) -hasierako bostekoa- Blazic (10), Albicy (24), Diagné (11), Shurna (5), Walker (8).
Baskonia, 97 (21-21- 27-28): Marcelinho (8), Beaubois (21), Shengelia (20), Timma (0), Poirier (14) -hasierako bostekoa- Voigtmann (7), Janning (3), Granger (14), Jones (10).
Epaileak: Cortes, García Ortiz eta Sacristan.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.