Baskonia finaletik at geratu da Real Madrilen aurka galdu ostean
Baskonia Errege Kopako finalik gabe geratu da larunbat honetan Real Madrilen aurka 99-103 galdu ostean. Eskuan izan du garaipena Arabako taldeak, baina Real Madrilek luzapena behartu eta garaipena lortu du azken bost minutuetan.
Lehen laurdena parekatua izan den arren Baskoniak bost puntuko abantaila lortu du (20-15), baina bigarren laurdenean huts asko egin ditu eta Real Madril horretaz baliatu da atsedenaldira bederatzi puntuko abantailarekin iristeko (35-44). Atsedenalditik kantxara itzuli ostean etorri da Arabako taldearen erreakzioa eta desabantaila lau puntura murriztu du Sito Alonsok zuzentzen duen taldeak (64-68). Azken laurdenean Baskoniak joko ona azaldu du, eta finalerako txartela oso gertu izan du. 89-86 irabazten ibili da Baskonia, baina Real Madrilek luzapena behartu du hiruko batekin (89-89).
Luzapenean Baskoniak hutsak egin ditu une garrantzitsuenetan eta hasieratik maldan gora jarri zaio lehia. Real Madrilek markagailuan aurrea hartu ostean, ezinezkoa egin zaio Baskoniari garaipena lortzea. Amaieran, Real Madril irabazle (99-103).
Fitxa teknikoa:
99 - Baskonia (20+15+29+25+10): Larkin (17), Beaubois (27), Hanga (19), Voigtmann (10) eta Diop (2) -hasierako bostekoa-, Bargnani (8), Budinguer (8), Laprovittola (-), Luz (-) eta Tillie (8).
103 - Real Madril (15+29+24+21+14): Llull (23), Carroll (3), Maciulis (2), Reyes (6) eta Ayon (13) -hasierako bostekoa-, Randolph (20), Fernandez (3), Nocioni (3), Doncic (23), Hunter (4) eta Taylor (3).
Epaileak: Jose Antonio Martin Bertran, Miguel Angel Perez Perez eta Benjamin Jimenez.
njamin Jimenez.Zure interesekoa izan daiteke
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.