Baskoniak garaipena nahi du Top 16ri bigarren postutik ekiteko
Laboral Kutxak Cedevita Zagreb hartuko du Euroligako fase erregularreko azken jardunaldian. Gasteiztarrek taldeko bigarren postua eskuratzeko aukerak dituzte, Top 16ri ahalik eta ondoen ekiteko, baina horretarako garaipena behar dute kroaziarren aurka.
Osteguneko partidan irabazteaz gain, Perasovicen gizonak Olympiacos eta Anadolu Efesen arteko neurketako emaitzaren zain egon beharko dira; izan ere, talde turkiarrak galdu behar du Baskonia bigarren postuan amaitu ahal izateko.
Anadolu Efes, Cedevita eta Baskonia oso parekatuta daudenez, azken jardunaldiko emaitzek zehaztuko dute hiru talde horiek azkenean zein postutan amaitzen duten talde-fasea.
Hala, Baskoniak bigarren postua lor lezake; baina galduko balu, eta arerio zuzenek irabaziko balute, baliteke hirugarren edo laugarren tokian ere amaitzea.
Hiru partida irabazi gabe, jarraian
Velimir Perasovicek zuzentzen duen taldeak garaipena behar dute; izan ere, azken astean hiru porrot jarraian jaso dituzte: bi Endesa Ligan, eta beste bat Euroligan.
Cedevita Zagreben aurkako partidan, aukera ona dute gasteiztarrek bolada txarrari amaiera emateko. Kroaziarrak ere sailkatuta daude; Zagreben jokatutako neurketan 76-67 irabazi zuten, eta haiek ere, Baskoniak bezala, Top 16rako euren postua hobetu nahi dute.
Baskoniako jokalari guztiak daude prest partidarako. Causeurrek eta Bourousisek arazo fisiko batzuk izan dituzte azken egunetan, eta ezin izan dute egoera onenean jokatu aurreko partidetan, baina sendatuta daude.
Arabarrek, irabaztekotan, marka ezarriko lukete: Euroligako historian lortzen duten 200. garaipena izango litzateke. Orain arte, bost taldek bakarrik erdietsi dituzte horrenbeste garaipen: hain zuzen, CSKA Moskuk, Bartzelonak, Panathinaikosek, Maccabik eta Olympiacosek.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.