Izar Gorriak sarraskia egin dio Laboral Kutxari (66-86)
Laboral Kutxa Baskoniak irudi oso kaskarra eman du Buesa Arenan Izar Gorriaren aurka, Euroligako bosgarren jardunaldian. Defentsan desagertuta eta erasoan oso ahul aritu da talde arabarra.
Marco Crespiren taldeari kosta egin zaio partidan sartzea. Lehen laurdenean atzetik izan dira ia denbora osoan, baina Izar Gorria aldea zabaltzen ari zenean, San Emeterioren hiruko batek arriskua uxatu eta partida haustea galarazi du (16-17). Lehen 10 minutuen amaieran, arabarrek puntu bateko aldea izan dute (22-21).
Hala ere, bigarren laurdenean Belgradoko taldea nagusi izan da: kontraerasoko jokoari etekina atera diote eta errebotean ere nagusi izan dira. Ondorioz, 9 puntuko aldea zabaltzea lortu dute (28-37). Laboral Kutxa Baskoniak, aldiz, huts ugari egin ditu, eta atsedenaldira 7 puntu azpitik iritsi dira (34-41).
Arabarren ahultasuna eta Belgradokoen sendotasuna agerian geratu dira hirugarren laurdenean. Belgradokoek erritmoa, jokoa, defensa eta erasoa kontrolpean izan dituzte; Baskonia, aldiz, aurrera egin ezinda ibili da. Gauzak horrela, 18 punturainoko aldea ere izan dute kanpotarrek (42-60).
Azken laurdena 16 puntu atzetik hasi dute baskonistek (50-66). Baina emaitza iraultzeko itxaropèn apurrak berahala uxatu dituzte Belgradokoek. Minutu gutxi batzutan 25 puntuko zulao egin baitute markagailuan (55-80). Crespiren mutilek amore eman dute eta irudi benetan kaskarra eman dute Buesa Arenan izan diren zaleen aurrean. Gauza asko hobetu behar ditu Josean Querejetaren taldeak.
Amaieran, beraz, 66 eta 86, hirugarren porrota arabarrentzat Euroligan.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.