Querejetak talde lehiakorra osatzea espero du
Laboral Kuxa Baskoniako presidentea den Josean Querejetak 2014-2015. denboraldirako talde lehiakorra osatzea espero du. EFE agentziari emandako elkarrizketan, taldeak "lehiakortasuna eta izaera" berreskuratzea nahi duela adierazi du.
Iragan denboraldiko balantzea egiterakoan, Querejeta argia izan da. "Lehiakortasun falta" nabaritu zion taldeari denboraldiko partida batzuetan eta "emaitza hobeak" espero zituela aitortu du. "Lesioen eragina" ere kontutan hartzekoa izan zela gaineratu du Baskoniako presidenteak.
Datorren denboraldiari begira, badirudi Tibor Pleiss eta Thomas Heurtel jokalariek taldea utz dezaketela. Bazirudien NBAko Oklahoma taldeak Pleiss fitxatuko zuela, baina fitxaketa zaildu egin da. Dena den, Querejeta lasai dago Pleissek NBAra jauzia ematen badu, Baskoniak etekin ekonomikoa aterako baitio operazioari. Heurtelen kasuan zurrumurru eta albiste ugari atera dira azken asteetan. Zurrumurru guztiek Baskoniatik kanpo kokatzen dute jokalaria, baina Josean Querejetaren ustez, “taldean geratzeko aukera asko ditu”.
Baskoniako presidenteak argi utzi duen beste kontu bat entrenatzailearena izan da. Sergio Scariolok ez du Laboral Kutxa Baskonia zuzentzen jarraituko nahiz eta beste urte baterako kontratua duen. "Sergio Scariolo entrenatzaile oso ona da, baina egoerak ez jarraitzera behartzen ditu bi aldeak. Kontratua eteteko akordiora iritsiko gara", esan du Querejetak.
Zurrumurruen garaia da orain eta jokalarien zein entrenatzaileen izen asko azaldu diren arren, Querejetak lasaitasunez hartu nahi du fitxaketen kontua. "Zurrumurruek Baskonian kokatzen dituzten jokalari guztiak kontutan hartzen baditugu 29 jokalari izango genituzke. Azaleratu diren jokalari eta entrenatzaile guztietatik, norbait etorriko da", azpimarratu du Laboral Kutxa Baskoniako presidenteak.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.