Lamar Odom, iragan iluneko NBAko izarra
Lamar Odom jokalariaren fitxaketa hedabideetan oihartzun handia izaten duen horietarikoa da; izan ere, NBAk azken urteetan izan duen izarretako baten etorrerak zeresana eman du Endesa Ligan.
Ibilbide profesional luzean eta Baskoniara etorri aurretik, estatubatuarrak Miami Heat, Dallas Mavericks, Los Angeles Lakers eta Los Angeles Clippers taldeetan jokatu du.
Odomek Los Angeles Lakers taldean eman ditu urterik onenak, 2004 eta 2011 artean. Garai hartan bere ekarpenen garrantziak gora egin zuen Los Angeleko taldean, erreferente bihurtu arte.
2007-08 denboraldian, Lakersek Pau Gasol fitxatu zuten eta Andrew Bynum pibota lesionatuta egon arren, NBAko finalera iritsi ziren. Titulua Boston Celticsen aurka galdu zuten. Odomen errendimendua azpimarratzekoa izan zen, baina bere ohino batez bestekoek behera egin zuten zertxobait: 14,2 puntu, 10,6 errebote eta 3,5 asistentzia.
Hurrengo denboraldian, Odom taldeko seigarren jokalaria zen, eta eserlekutik ere errendimendu ona izan zuen, balio-aniztasun jokalaria zelako.
Urte hartan 16,5 puntu eta 13,4 erreboteko batez bestekoa egin zuen. Odom erabakigarria izan zen Lakersek NBAko finala Orlando Magicen aurka irabazteko.
Drogak eta arazo pertsonalak
Kirol alorrean egindako alde batera utzita, Lamar Odomen ibilbidean drogarekin arazoak eta bizitza pertsonalekin lotutako gaiak izan dira hizpide nagusi. Odom Chloe Kardashian Kim Kardahianen ahizparekin ezkonduta egon da. Horrez gain, saskibaloi taldeetako zenbait kudeatzailerekin izandako arazoek ere kalte egin diote bere errendimenduari.
Talderik gabe
Azken hilabeteetan, Laboral Kutxako jokalari berria talderik gabe egon da, baina entrenatzen jarraitu du, lehiatzeko aukera berri baten zain. Bere helburua lehengo maila berreskuratu eta NBAra itzultzea da.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.