Sufrituta irabazi du Baskoniak, eta bizirik jarraitzen du
Baskoniak bizirik jarraitzen du eta, Top 16ko F taldeko gainontzeko partiden emaitzak alde baditu, aukerak izango ditu Euroligako fase honetako azken jardunaldian dena jokatzeko. Gasteizko taldea kontzentratuta atera da eta egin beharreko lana egin du, Khimkiri Moskun irabazita (82-86).
Presio handia eraginez hasi dute partida baskonistek. Khimkik eta Baskoniak borroka polita eskaini dute, eta markagailuan alde handirik jarri gabe igaro dute lehenengo zatia (19-20 lehenengo laurdenaren amaieran). Gasteizko taldea aurretik joan da beti, baina oso berdinduta ibili dira bi taldeak.
Hirugarren laurdenean, Nocioniren hiruko batek 10 puntuko aldea ezarri du (54-64). Partida serioa jokatu du Caja Laboralek, kontzentratzeko beharrari ondo erantzunez. Gutxieneko helburua bete du, hau da, irabazi du, eta ateak ireki dizkio azken jardunaldian sailkatzeko aukerak izateari.
Baloi gehiegi galdu ditu etxeko taldeak, baskonisten presioari ezin erantzunda, baina azken uneetan markagailuan hurbiltzea lortu du. Caja Laboral urduri azaldu da momentu batez, Khimkik puntu bakarrera eraman baitu aldea (80-81). Baskoniak, hala ere, agintea hartu du berriro, eta garaipen garbiarekin bukatu du norgehiagoka (82-86).
F taldeko beste neurketetako emaitzak alde baditu, Montepaschi Siennaren aurka dena jokatuko du Baskoniak, Top 16ko azken jardunaldian.
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.