Caja Laboralek garaipenaren bidea berreskuratu du
Caja Laboral Baskoniak landutako garaipena (85-74) lortu du Herbalife Kanaria Handia talde sendoaren aurrean. Azken lau partidak galdu ostean bolada txarrari amaiera eman diote arabarrek. Gasteiztarrek garaipena behar zuten azken neurketetan azaldutako zalantzak ahazteko.
Baskoniak Euroligako esfortzua ez du ordaindu lehen laurdenean. Horrela, Herbaliferi eutsi dio Buesa Arenan. Kanaria Handiak aurrea hartu du markagailuan, baina Zan Tabaken jokalariek ez dute etsi eta aurretik amaitu dute lehen partziala (24-20).
Gasteiztarren jokoa zertxobait trabatu da bigarren zatiaren hasieran, baina Tabakek garaiz zuzendu du taldearen norabidea. Baskoniako entrenatzaileak hutsartea eskatu du eta etxekoen jokoa zuzentzeko funtsezkoa izan da. Horrela, arabarrek markagailuan alde egin dute atsedenaldia baino lehen, eta partidako abantailik handiena lortu dute (40-30).
Baskoniak ez du batere ondo hasi hirugarren laurdena eta Kanaria Handiak 0-11 partziala sartu die arabarrei. Tabakek beste hutsarte bat eskatu behar izan du. Hasierako nahaste-borrastearen ostean, Caja Laboral suspertu da eta Kanariako taldearen entrenatzaileak erritmoa eteteko hutsartea eskatu behar izan du.
San Emeterio kapitainak bi hiruko ia jarraian saskiratu ditu eta Caja Laboral aurretik markagailuan utzi du azken laurdenera bidean (62-55). Laugarren partzialean arabarrek mahai gainean kolpea eman dute. Heurtelek eta Nemanja Bjelicak taldea garaipenera eraman dute. Era berean, Nocionik partida borobila jokatu du.
Fitxa teknikoa:
85 - Caja Laboral (24+16+22+23): Heurtel (13), San Emeterio (12), Nocioni (18), M. Bjelica (10), Lampe (16) -hasierako bostekoa-, Cook, Causeur (11), Pleiss (2), N. Bjelica (3) eta Jelinek.
74 - Herbalife Kanaria Handia (20+10+25+19): Bellas (12), Toolson (15), Newley (13), Nelson (14), Rey (12) -hasierako bostekoa-, Beiráa, Guerra, Baez (8) eta Scheyer.
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.