Bartzelonak amaiera eman dio Baskoniaren bolada onari (79-90)
Caja Laboral Baskoniak agur esan dio bolada onari Bartzelonaren aurka 79-90 galduta. Xavi Pascualen taldea nagusi izan da Buesa Arenan, batez ere bigarren zatian, eta Gasteizko taldeak akats gehiegi egin ditu erasoan. Tabaken mutilek 54 egun porrotik ezagutu gabe eman dituzte, baina Kataluniako taldeak bolada onari bukaera eman dio.
Arabako taldeak konfiantzarekin hasi du norgehiagoka, eta Thomas Heurtelek ondo gidatu du taldea erasoan. Baskoniak 19-11koa jarri du markagailuan, eta Maciej Lampe aise nagusitu da taula azpian. Hala ere, Xavi Pascualen mutilak suspertu egin dira, eta Inglesek 23-23koa jarri du. Aurreneko laurdena 28-27koarekin bukatu da, Buesa Arenan.
Bigarren laurdenean, Bartzelonak 0-7ko partziala eskuratu du, eta markagailuan goitik jarri da (34-37). Hala ere, Omar Cookek hiruko bikaina eskuratu du 39-39koa jartzeko. Caja Laboralek intentsitatea galdu du, erasoan batez ere, baina Kataluniako taldeak ere akatsak egin ditu. Atsedenaldian, talde blaugrana markagailuan goitik izan da (47-50).
Zan Tabaken mutilek gaizki hasi dute bigarren zatia erasoan eta defentsan, eta Bartzelonak 10 puntuko aldea lortu du (51-61). Baskoniak asko sufritu du Pete Mickeal gelditzeko, eta Xavi Pascualen mutilek markagailuko aldea handitu dute (54-67). San Emeteriok puntu garrantzitsuak eskuratu ditu, baina Arabako taldeak ezin izan du aldea asko murriztu (60-69).
Azkeneko laurdenean, Caja Laboralek 8-0ko partzial garrantzitsua lortu du, eta markagailuan puntu bakarrera hurbildu da (68-69). Hala ere, Barçak erasoan sakatzen jarraitu du, eta aldea handitu egin du, berriz ere (70-78). Sadak ia erabakita utzi du neurketa hiruko ikusgarri batekin (72-85), eta Tabaken mutilek ezin izan dute emaitza irauli. Azkenean, norgehiagoka 79-90koarekin bukatu da.
- Fitxa teknikoa:
79 - Caja Laboral (28+19+13+19): Heurtel (2), Oleson (6), Nocioni (9), M. Bjelica (8), Lampe (21)-hasierako bostekoa-, Cook (6), San Emeterio (14), Causeur (2), N. Bjelica (11), Pleiss, Cabezas.
90 - Bartzelona Regal (27+23+19+21): Sada (9), Navarro (11) Mickeal (23), Wallace (3), Tomic (11)-hasierako bostekoa-, Huertas (2), Lorbek (9), Ingles (12), Jasikevicius (2), Rabaseda, Jawai (8).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.