Caja Laboralek Top 16ra sailkatzea lortu du Cedevitari irabazita
Caja Laboral Baskoniak 97-70eko emaitzarekin irabazi dio Cedevita Zagrebi Buesa Arenan, eta Top 16rako sailkapena lortu du talde arabarrak. Multzoen fasea gaizki hasi arren, Europako 16 talde onenen artean izango da Baskonia beste urte batez. Top 16ko F multzoan egongo da Caja Laboral Baskonia eta Maccabi Tel-Aviv, Regal Bartzelona, Panathinaikos, Montepaschi Siena, Besiktas, Fenerbache eta Olympiakos taldeak izango ditu aurkari.
Partida zalantza askorekin hasi du Caja Laboralek, eta, Cedevita aurkariak emandako erraztasunez baliatu da. Kanpoko taldeak sei puntuko abantaila lortu du partida hasieran (6-12), baina garaiz suspertu da Baskonia, eta aldeak murriztea lortu du. Lehen hamar minutuak Cedevitaren aldeko 15-17ko emaitzarekin bukatu dira.
Bigarren laurdenean aldatu da norgehiagoka. Epaileek kirolez kontrako falta adierazi diote Cedevitari, eta Baskoniak zuloa sortu du markagailuan. Egoera horri esker, eta Caseurren hirukoak direla medio, Caja Laboralek bideratuta utzi du garaipena. Etxeko taldea, 19 puntuko abantailarekin iritsi da atsedenaldira (49-30).
Hirugarren laurdenean Baskonia ez da erlaxatu. Cedevita aldeak murrizten saiatu da, baina Caja Laboralek ez dio aurkariari inolako erraztasunik eman. Aldeak mantenduz ibili da Caja Laboral laurden honetan, eta 69-49ko emaitzarekin bukatu da hirugarren laurdena.
Azken laurdena festa giroan bizi izan dute jokalariek eta zaleek. Baskoniak erraz eta gustora jokatu du bere zaleen aurrean. Ikuskizuna eskaini du talde arabarrak, eta jipoi galanta eman dio Cedevitari. Azkenean, 97-70eko emaitzarekin lortu du garaipena Caja Laboral Baskoniak.
Fitxa teknikoa:
97 Caja Laboral (15+34+20+28):Heurtel (3), Oleson (3), San Emeterio (4), M. Bjelica (7), Lampe(10)-hasierako bostekoa-, Cabezas (3), Nocioni (11), Pleiss (2), Causeur(23), N. Bjelica (22), Rochestie (3), Calbarro.
70 Cedevita Zagreb (17+13+19+21):Wright (11), Green (7), Gelabale (12), Suput, Bilan (5)-hasierako bostekoa-,Suton (12), Andric (10), Ilievsky (5), Bazdaric (8), Nurkic.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.