Baskoniak Europan bizirik jarraitzen du
Caja Laboral Baskoniak Euroligan bizirik jarraitzen du Armani Milan 64-62 gainditu ondoren. Zan Tabaken mutilak ia partida osoa markagailuan azpitik egon dira, baina azkenengo segundoetan San Emeterioren hiruko batek eta Thomas Heurtelen saskiratze ikusgarri batek norgehiagoka Arabako taldearen alde erabaki dute.
Armani Milanek erasoan erraz agindu du aurreneko minutuetan, baina Lampek Baskonia markagailuan goitik jarri du (10-8). Zan Tabaken mutilek erasoan akats ugari egin dituzte, eta Scarioloren taldeak egoera ederki aprobetxatu du, hiruko saskiratzeekin, 14-19koa jartzeko.
Bigarren laurdenean San Emeteriok Arabako taldearen erasoa gidatu du, eta Caja Laboral bi puntura jarri da markagailuan (19-21). Hala ere Italiako taldeak hiruko marratik bikain jarraitu du, eta 0-10eko partzial garrantzitsua eskuratu du (19-31). Epaileek Nocioniri laugarren falta adierazi diote, protesta egiteagatik, eta Baskoniak ezin izan du suspertu. Atsedenaldian, Armani Milan 28-42 markagailuan goitik izan da.
Atsedenaldiaren ostean Tabaken taldea markagailuan sei puntura jarri da (43-46), baina Omar Cookek erakustaldia eman du erasoan eta Sergio Scarioloren mutilek berriro aldea handitu dute (45-53).
Gasteizko taldea azkenengo laurdenean suspertu da. Nocionik markagailuan hiru puntura jarri du Caja Laboral (53-56), eta Italiako taldea zalantzekin jokatzen hasi da. Maciej Lampek 59-59koa jarri du markagailuan, baina Cookek Buesa Arenado zaleak isilik utzi dite hiruko ikusgarri batekin (59-62). Baskoniak erantzun bikaina eman du San Emeterioren hirukoarekin (62-62), eta Thomas Heurtel frantziarrak garaipenaren saskiratzea eskuratu du amaierarako lau segundora (64-62).
- Fitxa teknikoa:
64 - Caja Laboral (14+14+17+19): Heurtel (11), Oleson (6), Nocioni (8), M. Bjelica (4), Lampe (14) -hasierako bostekoa-, Cabezas (2), San Emeterio (17), Pleiss, Causeur, N. Bjelica (2).
62 - Armani Milan (19+23+11+9): Cook (14), Hairston (8), Langford (16), Fotsis (5), Bourousis (11) -hasierako bostekoa-, Hendrix, Stipcevic (3), Melli, Chiotti, Basile (5).
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.