IDK Euskotrenek Hannah Jump fitxatu du, eta Lointek Gernika Bizkaiak, Masa Jankovic
Lointek Gernika Bizkaiak eta IDK Euskotrenek fitxaketak iragarri dituzte ostiral honetan. Bizkaiko taldeak Masa Jankovic hegaleko pibot serbiarra fitxatu du Perfumerias Avenidatik. Gipuzkoakoak, berriz, osatutzat eman du taldea Hannah Jump joko-antolatzailea fitxatuta.
Masa Jankovic (Vrbas, Serbia, 2000-02-01) Lointek Gernika Bizkaia taldeko zazpigarren jokalaria da 2025/2026 denboraldirako. Hegal-pibota Perfumerias Avenidatik dator, eta batez beste 3,3 puntu eta 2,4 errebote lortu ditu aurreko denboraldian Endesa Emakumezkoen Ligan.
2021ean bere herrialdeko txapelduna izan zen Jankovic, eta Salamanca eta Errumaniako Sepsi taldeetan aritutakoa da Euroligan. Emakumezkoen Endesa Liga ezagutzen du, 2023/2024 denboraldian 17 partida jokatu zituelako Leganesekin, batez beste 7,8 puntu eta 4,5 errebote lortuta. Gainera, bi Eurobasket jokatu ditu bere herrialdeko selekzioarekin, hirugarrenerako deitu dute, eta iaz Parisko Olinpiar Jokoak jokatu zituen.
Hannah Jump
Bestalde, IDK Euskotrenen azken fitxaketa Hannah Jump da. 24 urteko jokalariak nazionalitate bikoitza du (estatubatuarra eta britainiarra), eta 1,83 metroko altuera. Stanfordeko unibertsitatean eman zituen lehen urratsak, eta batez beste jaurtiketen % 34,2 sartu zituen hiruko marratik. Stanforden jokatutako azken bi denboraldietan, 11 puntu eta 2 errebote egin zituen partidako, eta multzoko saskiratzaile nagusienetakoa izan zen.
Joan den denboraldian Turkiako Botassport Adanak fitxatu zuen, 8 partida jokatu eta batez beste 7,3 puntu lortu zituen bertan, partidako 21 minutu jokatuta. Britainiar selekzioarekin, eta Anna Montañana entrenatzaile espainiarraren aginduetara, Eurobasketerako sailkatzeko 4 partidak jokatu zituen, partidako 9,3 puntu lortu eta hiruko jaurtiketen % 39 gauzatu zituen.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.