Bidaideakek azken laurdenean galdu du Eurocup-1 txapelketako finala Fenerbahçeren aurka (78-75)
Bidaideak Bilbao BSR taldeak galdu egin du Fenerbahçeren aurka Italiako Giulianova hirian jokatu duen Eurocup-1 txapelketako finala. Bilboko taldea gailendu da lehen hiru laurdenetan, baina norgehiagoka oso parekatua izan da, eta Turkiako taldeak markagailuari buelta eman dio azken bost minutuetan. Horrenbestez, Bidaideak titulurik gabe geratu da.
Bi taldeak oso ondo atera dira kantxara, eta finala hasieratik izan da emozio handikoa. Alde txikiarekin bada ere, Bidaideak Fenerbahçeren atzetik joan da une oro, baina lehen laurdena aurretik amaitzea lortu du (20-21), Giulio Maria Papik azken minutuan gauzatu duen jaurtiketa libre bati esker.
Bigarren laurdenean, Turkiako taldeak hutsegite asko egin ditu, eta Bilbokoak ondo baliatu du aukera hori. Asier Garcia kapitainak hainbat baloi berreskuratu ditu, eta Patrick Andersonek ez du barkatu jaurtiketetan. Horrela, bost puntuko abantailarekin iritsi da Bidaideak atsedenaldira (37-42).
Aldagelatik bueltan, gidoi bera errepikatu dute bi taldeek. Fenerbahçek aurrerapausoa eman du, baina oker asko egin ditu eta hainbat jaurtiketa libre ez ditu gauzatu. Bilboko taldeak ere egin ditu akatsak, baina jaurtiketak ondo amaitu ditu, eta bost puntuko aldeari eutsi dio hirugarren laurdenaren amaieran (53-58).
Partida, baina, erabat aldatu azken bost minutuetan. Turkiako taldea hobeto ibili da, eta aurretik jarri da markagailuan (73-71). Asier Garciak eskura izan du partida berdintzeko aukera, 74-74koa jarrita, baina huts egin du jaurtiketa librea. Jokaldi erabakigarria izan da; izan ere, une horretatik aurrera, Fenerbahçek abantaila hartu du berriro, eta Bidaideakek ez du denborarik izan ezer gehiago egiteko. Horrenbestez, Bilboko taldeak 78-75 galdu du Eurocup-1 txapelketako finala.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.