Garaipenak IDK Euskotren eta Lointek Gernikarentzat; Kutxabank Araskik, berriz, galdu egin du
Emakumezkoen Endesa Ligako 18. jardunaldiak bi garaipen eta porrot bat utzi ditu euskal taldeentzat. IDK Euskotrenek ez zuen etxetik kanpo huts egin Bartzelonaren kontra, 55-77 mendean hartu baitzuen. Azu Muguruzaren taldea hasieratik jarri zen aurretik markagailuan, eta laurdenez laurden joera horri eustea lortu zuen. Atsedenerako, Erinek lau hiruko sartuta zituen, eta 25-42 aurretik zela joan ziren donostiarrak aldageletara. Bartzelona desabantaila arintzen ahalegindu zen arren, hirugarren laurdenaren amaieran Gipuzkoako taldeak jarraitzen zuen irabazten: 43-57. Azkenean, 55-77ko emaitzak ligako hamaikagarren garaipena eman zion IDKri. Zazpigarren dago Endesa Ligako sailkapenean.
Seigarren dago, halaber, Lointek Gernika, Kanaria Handia sendo menderatuta. Nahiz eta neurketa berdinduta hasi, jokoak aurrera egin ahala, Lucas Fernandezen taldea ere etenik gabe ari zen kantxan zein markagailuan: 44-22 iritsi ziren atsedenera. Watts jokalariak hirugarren laurdenean sartutako bi hirukoei esker, abantaila indartu zuten gernikarrek, eta 98-59 bukatu zuten. Eguneko ohar tristea Marta Alberdik utzi zuen, orkatila okertu baitzuen sarrera batean.
Azkenik, Kutxabank Araskiren porrotak itxi du euskal taldeen kronika. Gasteizko taldeak ez zuen erasoan asmatu Baxi Ferrolen aurrean; beraz, ez zituen aukera asko izan. Arerioak, ordea, ondo egin zuen haren lana eta hasieratik garbi utzi zuen desberdintasuna. Hirugarren laurdenean, adibidez, Baxi Ferrolek 26 puntu saskiratu zituen, eta aurretik jarraitu zuen amaierara arte: 75-53. Made Urietak entrenatzen dituen neskak 12. daude ligako sailkapenean, 25 punturekin. Hurrengo jardunaldian, Lointek Gernika izango dute aurrez aurre, euskal derbian.
Zure interesekoa izan daiteke
Kosner Baskoniak bere sendotasuna eta fisikoa inposatu ditu Joventuten aurka (87-77)
Kosner Baskoniak bere sendotasun eta fisikoari esker gainditu du igande honetan Joventut (87-77), eta Endesa Ligako zazpigarren garaipena jarraian lortu du.
Jardunaldi beltza Lointek Gernika Bizkaia, IDK Euskotren eta Kutxabank Araskirentzat
Bizkaiko taldeak galdu egin du Leganesen aurka (74-66), Gipuzkoakoak Perfumerias Avenidaren aurka (74-66) eta Arabakoak Valentzia Basketen etxean (90-61).
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Atsedenaldiak ez dio onik egin Baskoniari Fenerbahceren aurka (84-71)
Beste porrot gogor batekin, Gasteizko taldea atzean geratu da play-inean sartzeko lehian.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Panathinaikosen aulkiak Kosner Baskonia erraz garaitu du Atenasen (93-74)
Toliopoulos eta Samodurov izan dira, ustekabean, saskiratzailerik onenak etxekoen alde laster desorekatu den norgehiagokan, Holmesi esker lehen zatian, eta Sloukasi esker, bigarrenean.
Kosner Baskoniak Panathinaikos bisitatuko du, astearte honetan, Euroligan
Greziako taldea zortzigarren postuan dago, txapelketako 22 jardunaldi jokatu ostean. Kosner Baskoniak Errege Kopan izango dela baieztatu ostean jokatuko du Panathinaikosen aurka.
Endesa Ligako 16. jardunaldiko 10 jokaldi onenak
Endesa Ligako hamaseigarren jardunaldia jokatu da, eta hemen bildu ditugu ligako hamar jokaldi onenak.
Kosner Baskoniak Koparako txartela lortu du Manresaren aurka (130-85)
Kosner Baskoniak Errege Kopa jokatzeko txartela lortu du igande honetan, BAXI Manresa 130-85 menderatuta, eta markak hautsi ditu, Baskoniak inoizko puntu gehien eta hiruko gehien sartu baititu.