Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
%3Aeitb-banner?ts=1773167352388&dpr=off&fmt=webp-alpha&qlt=80 "Jaume Ponsarnau Surne Bilbao taldeko entrenatzailea; IRUDIA: EUROPA PRESS")
Jaume Ponsarnau, Surne Bilbao taldearen entrenatzailea; IRUDIA: EUROPA PRESS
Surne Bilbaok Turkiako Ligako Petkim Sporren aurka jokatuko du asteazken honetan, Aliaga Belediyesi Enka Arenan, Aliagan, 18:15etik aurrera, 2025-2026 denboraldiko FIBA Europa Koparen final-laurdenetako joaneko partidan. Partida zuzenean emanen da, kirolakeitb.eus eta ETB4 bitartez.
Euskal taldearen helburua aurreko urtean irabazi zuen titulua defendatzen ari den txapelketaren finalerdietarako sailkatzea bideratzea da. Aurkaria, Petkim Sport taldea, multzoko bigarren postuan sailkatu zen lehenengo faseetan, eta bere ligan arazo askorekin dabil; izan ere, azken-aurrekoa da, 6-15eko balantzearekin.
Aliagarainoko bidaia luzea da, Esmirnatik iparraldera dago, 50 kilometrora, eta hara ailegatzeko Bilboko taldeak bi hegaldi eta ordu bateko autobus bidaia bat egin behar izan ditu. Harald Frey ez da jokatzeko moduan izango, eta hori eta bidaiak ekarritako nekea dira Bilbaoren oztopo handienak. Norvegiar antolatzaileak San Pablo Burgosen aurkako partida ere ezin izan zuen jokatu, eta hainbat astez baja izanen da, duela hamar egun bere selekzioarekin jasan zuen lesio muskularraren ondorioz.
Zure interesekoa izan daiteke
Ponsarnau: “Batera ahal izan dugun urrunen heldu gara"
Jaume Ponsarnau Surne Bilbao taldeko entrenatzaile eta FIBA Europe Cupeko txapeldunarekin egon gara. Bigarren urtez jarraian atera da irabazle, eta finaleko xehetasunak eta ospakizuneko giroaz aritu gara berarekin.
Mikel Odriozolak zaleekin “Txoria Txori” abesten ospatu du FIBA Europa Kopa
Surne Bilbaoko entrenatzaile laguntzaileak zaleen laguntzarekin "Txoria Txori" abesten ospatu du irabazitako titulua.
Ehunka zale bildu dira Bilbon, FIBA Europa Kopako txapeldunei gorazarre egiteko
Isabel Iturbe presidenteak, Jaume Ponsarnau entrenatzaileak eta Tryggvi Hlinason kapitainak eraman dute garaikurra taldea udaletxera iritsi denean. Amaia Arregi Bilboko jarduneko alkateak taldeari harrera egin dio eskaileretan.
Harald Freyk zaleak animatu ditu “jo ta ke" abestiarekin
Jokalari norvegiarrak, bere taldekideentzat aldagelako liderra denak, Surne Bilbaoko zaleak saltoka jarri ditu Miribillan gehien entzuten den kantuetako batekin.
Ponsarnau, udaletxeko balkoitik: “Talde hau zoragarria eta paregabea da"
Prestatzaile kataluniarrak azpimarratu duenez, "korrontearen aurka goaz gauza guztietan, garaikur hau bi aldiz irabazi dugu, inork ez bezala, eta finala irauliz, inork egin ez bezala". "Baina, batez ere, gu izan nahi dugu, eta irabazi edo galdu, egunen batean tokatzen bada, gure erara", erantsi du.
Surne Bilbaok bere bigarren FIBA Europa Kopa eskaini die zaleei udaletxeko balkoitik
Ehunka jarraitzailek Surne Bilbaori harrera egin diote ostegun honetan, Bizkaiko hiriburuan, 'beltzezko gizonek' asteazkenean bigarren urtez jarraian lortutako FIBA Europa Kopa ospatzeko.
Emozioa eta zoriona Bilbao Basketen zaleen artean, FIBA Europe Cup txapelketa irabazita
Bilbao Basket FIBA Europe Cupeko txapelduna da, PAOK Salonikari irabazira. Jendetza bildu zen Miribillan finala ikusteko.
Mikel Odriozola, Surne Bilbaoren entrenatzaile laguntzailea: “Bide oso-oso luzea izan da, baina, horrela amaitzen denean, merezi du”
FIBA Europa Kopa bigarren aldiz jarraian irabazi eta gero, entrenatzaileak nabarmendu du, Miribillan, zaleengandik jasotako laguntza; izan ere, giro bikaina izan da Bilbao Arenan.
Jaume Ponsarnau, Jon Txakartegiri: “Zale hauek guztiek beti babestu gaituzte, hemen lanean hasi nintzenetik”
Surne Bilbaoren entrenatzailea Jon Txakartegi EITBko esatariak elkarrizketatu du, Miribillan, euskal taldeak bigarren FIBA Europa Kopa irabazita; Xabier de la Fuenteren oparia izan da, emanaldian, Jon Txakartegirentzat.
Hilliard, finaleko MVPa, hunkituta: “Ez da erraza lortu duguna, ikaragarria da"
Surne Bilbao Basketek FIBA Europa Kopa bigarrenez jarraian irabazi du, PAOK Salonika 89-74 mendean hartuta. Darrun Hilliardek, 16 punturekin, Jaume Ponsarnauren taldearen garaipena gidatu du lepo beteta zegoen Miribilla pabiloian.