Kosner Baskoniak Dubai taldearen aurka jokatuko du ostegunean Euroligan, Sarajevon
Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Hurbileko gerraren ondorioz. Dubaik lau garaipen lortu ditu jarraian Euroligan, eta txapelketan segitzeko aukerei eustea bilatuko du.
Kosner Baskoniak Dubai taldearen aurka jokatuko du ostegun honetan, 20:00etatik aurrera, 2025-2026 denboraldiko Euroligaren 31. jardunaldian, Sarajevon. Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Hurbileko gerraren ondorioz, eta lau garaipen jarraian lortu ditu Euroligan; hala, txapelketan jarraitzeko aukerei eustea bilatuko du.
Baskonia hainbat bajarekin ailegako da partidara. Rodion Kurucsek oineko arazoekin jarraitzen du, eta, hortaz, ez dago jokatzeko moduan. Gasteizen geratuko da, beraz, Khalifa Diop eta Tadas Sedekerskisekin batera. Jesse Edwards azkeneko fitxaketak ere ezingo du partida jokatu, ezingo zaiolako Europako txapelketarako fitxa aktibatu, epez kanpo baitago. Berriz, Markus Howard eta Markquis Nowell jokatzeko moduan egonen dira.
Dubai taldean, Nate Mason eta Mam Jaiteh ezin izango dira aritu, eta Kosta Kondic, Boogie Ellis eta Davis Bertans zalantza dira. Hiru puntuetako jaurtiketetan okerren dabilen taldeetako bat da, baina, era berean, saskiratze gehien egiten dituenetako bat da.
Zure interesekoa izan daiteke
Kobi Simmonsek “prest" ikusten du Kosner Baskonia Euroligako lehen partidarako
Baskoniak porrot egin du Joventuten aurka, eta Superkopako finalik gabe geratu da (96-84)
Galbiati: “Ez gaude egoera fisiko edo taktikorik onenean, baina dena gerta daiteke"
Kosner Baskoniak Kenneth Faried aurkeztu du: “Aukera bikaina da”
Alex Len pibot ukrainarra, Baskoniako jokalari berria
A.J. Lawson hegalekoa aurkeztu du Baskoniak
Khalifa Diopek Kosner Baskonia utzi du, eta Cleveland Cavaliers taldean arituko da
Kenneth Fariedek Baskoniaren barneko jokoa indartuko du
Kosner Baskonia berria abian da, jokalarien azterketa medikoekin hasita
