Bilbao Basket – Andorra eta Breogan – Baskonia, Endesa Ligako lehen jardunaldian
Ostegun honetan 2023-24 denboraldiko Endesa Ligako egutegia zozketatu da, eta, horren arabera, Baskoniak Lugora bidaiatuko du lehen jardunaldian, Breoganen aurka aritzeko; Bilbao Basketek, aldiz, Andorra hartuko du Miribillan. Bi neurketak egun berean jokatuko dira, hain zuzen ere, irailaren 24an, arratsaldeko 17:00etan.
Bestalde, bigarren jardunaldiko neurketak irailaren 27an eta urriaren 4an jokatuko dituzte bi euskal taldeek. Hala, Joan Peñarroyaren mutilak UCAM Murtziaren aurka arituko dira irailaren 27an, gaueko 20:30ean. Aldiz, urriaren 4an, talde bizkaitarrak Obradoiroren aurka jokatuko du. Izan ere, irailaren 26an, galiziarrek Saskibaloiko Txapeldunen Ligako atariko neurketa jokatu beharko dute.
Bi euskal taldeen arteko derbiei dagokionez, lehendabizikoa irailaren 30ean iritsiko da, 3. jardunaldiarekin batera. Norgehiagoka Buesa Arenan izango da arratsaldeko 18.00etan. Bueltako lehia, ordea, 26. jardunaldian izango da, martxoaren 24an zehazki. Derbi hori 17:00etan hasiko da.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
IDK Euskotrenek Fayeri berritu dio kontratua, eta Bessoirrek ez du Gernikan jarraituko
2025-2026 denboraldia izan da bi jokalarien lehenengoa euskal taldeetan.