Bayern Munichek Pablo Laso fitxatu du, 2025era arte
Bayern Munichek Pablo Laso fitxatu du, 2024-25 denboraldiaren amaierara arte, Alemaniako taldeak astelehenean jakitera eman duenez. Lasok (55 urte), besteak beste, Gipuzkoa Basket eta Real Madril entrenatu ditu (Euskal Selekzioan ere ibili da, hautatzaile gisa), baina urtebete eman du talderik entrenatu gabe, eta, hortaz, lehiara itzuliko da.
2022ko uztailean utzi zion Real Madrileko entrenatzaile izateari. 2011n hasi zen talde hori zuzentzen, eta 22 titulu lortu zituen guztira: 2 Euroliga, 6 Liga, 6 Kopa, 7 Superkopa eta Kontinentearteko Kopa bat.
"Ohore handia da Munichen egotea, eta poztu egiten nau", adierazi du Lasok. Halaber, eskerrak eman dizkio Bayern Munichi bera aukeratzeagatik "Euroligan eta Alemaniako Ligan duen egitasmoan parte hartzeko": "Noski, pozik egongo nintzateke iraganean izandako arrakastak berrestea lortuko bagenu, baina arrakasta ez da soilik Euroliga irabaztea, eta hori denok izan beharko genuke argi. Erabateko konpromisoa dut, eta prest nago Bayern proiektu zirraragarri honetako hurrengo mailara eramaten laguntzeko".
2022-23 denboraldian, Bayern Munichek Kopa irabazi du, eta Euroligan hamabosgarren postuan sailkatu da.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
IDK Euskotrenek Fayeri berritu dio kontratua, eta Bessoirrek ez du Gernikan jarraituko
2025-2026 denboraldia izan da bi jokalarien lehenengoa euskal taldeetan.