Bidaideakek Millennium garaitu du eta Eurocup 1eko finala jokatuko du (74-51)
Bidaideak Bilbao BSR taldea Eurocup 1eko finalera sailkatu da larunbat honetan, historian hirugarren aldiz, Cantun (Italia) jokatzen ari den gurpildun aulkiko saskibaloiko txapelketan, Padova Millenniumi 74-51 irabazita finalerdian, hasieratik bukaerara nagusi izan den partidan.
Bilbotarrak nagusi izan dira finalerdian eta Italiako Santo Stefano Sporten aurka neurtuko dituzte indarrak titulua eskuratzeko.
Neurketako lehen bost minutuak oso parekatuak izan dira, baina hortik aurrera bilbotarrek aurrea hartu dute lehen abantaila sortu eta partidaren erritmoa ezartzeko (11-6). Italiarrak aldeak murrizten saiatu dira, baina Bidaideak indartsu mantendu da eta lehen laurdena agintzen amaitu du (18-12).
Bigarren laurdenean euskaldunek euren nagusitasuna inposatu dute, Millenniumek falten bidez puntuak banan-banan lortu dituen bitartean, eta aldea 10 puntura igo da hiru minutura. Gidoia ez da aldatu eta abantaila berarekin joan dira atsedenaldira (39-29).
Itzuleran markagailuko aldea handitu baino ez da egin. Bidaideak aise saskiratzen ari zen eta hirugarren laurdena ixtean hanka bat finalean zuela ikusi du bere burua (53-43).
Azken laurdena partidaren nondik norakoen isla izan da, bilbotarren aldeko 23 puntuko distantziara ere iritsi da (72-51) eta Bidaideak garaipena lortu du. Hortaz, igande honetan, apirilak 30, jokatuko du finala, 12:15ean.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.