Gipuzkoa Basketek putzuan sartu du Bilbao Basket (83-71)
Gipuzkoako taldeak irabazi du Bilbao Basketen aurkako euskal derbia (83-71). GBC nagusi izan da kantxan, lehenengo laurdenetik hasita, eta Pueyoren gizonak ezinean aritu dira, berriz ere. Bilboko taldeak Endesa Ligako azkenengo postuan jarraitzen du, ez baitu garaipenik ezagutzen.
Bilbao Basket nagusi izan da aurreneko minutuetan (6-10), baina Netok norgehiagoka berdindu du (10-10). Sito Alonsoren gizonek partidaren agintea hartu dute, eta Javi Salgadok hiruko ikusgarria lortu du markagailuan 19-15ekoa jartzeko. Bertansek Bizkaiko taldearen erasoa gidatu du, baina GBCk 26-21 markagailuan goitik bukatu du lehenengo laurdena.
Bigarren laurdenean Gipuzkoa Basketek kantxan sakatu du, eta etxekoek hamar puntuko aldea dute (32-25). Bilbao Basketek akats ugari egin ditu erasoan, eta Sito Alonsoren taldeak aise agindu du taula azpian Hanleyen eta Doblasen lanari esker. Winchesterrek 41-30ekoa jarri du, eta Rafa Pueyoren gizonek eizn izan dute erantzunik eman (50-34).
Atsedenaldiaren ostean, Raul Lopez Bilbao Basketen susperraldia gidatzen saiatu da, vaina GBCk erantzun bikaina eman du Robinsonen eskutik (64-49). Grimauk puntu garrantzitsuak eskuratu ditu Bizkaiko taldesrentzat, baina etxeko taldeak markagailuan agintzen jarraitu du, sendo (65-54).
Rafa Pueyoren gizonek gogor sakatu dute azkenengo laurdenean, eta bost puntura hurbildu dira (68-63). Bi taldeak erasoan gaizki aritu dira, baina Bilbao Basketeko beteranoek neurketa lasaitu egin dute, eta Bizkaiko taldea lau puntura jarri da (72-68). Hala ere, Ramsdellek hiruko ikusgarria eskuratu du (75-68), eta talde beltzak ezin izan du emaitza irauli. Azkenengo emaitza 83-71koa izan da.
Fitxa teknikoa:
83.- Gipuzkoa Basket (26+24+15+18): Neto (13), Winchester (8), Robinson (18), Ramsdell (11), Doblas (12)-hasierako bostekoa- Hunley (10), Salgado (8), Motos, Olaizola, Cortaberria (3) eta Huskic.
71.- Bilbao Basket (21+13+20+17): Raul Lopez (15), Hervelle (8), Mumbru (11), Grimau (9), Kavaliuskas (7)-hasierako bostekoa- Bertrans (17), Gabriel (4), Sanchez, Vrkic (0), Carmichael (0), Samb (0).
Zure interesekoa izan daiteke
IDK Euskotrenek eta Kutxabank Araskik Tate eta Mungo fitxatu dituzte, hurrenez hurren
Duran Maquinaria Ensinotik ailegatu da Imane Tate IDK Euskotrenera eta Julieta Mungo, berriz, Oses Construccion Ardoitik iritsi da Kutxabank Araskira. Bi jokalariek 2026-2027 denboraldirako sinatu dute.
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.