Lagun Arok ezinean jarraitzen du
Lagun Aro GBCk 74-70 galdu du Unicajaren aurka Malagan, eta talde gipuzkoarrak Endesa Ligako azken postuan jarraitzen du, hiru garaipen eta hamazazpi porroteko balantzearekin.
Partidari oso gaizki ekin dio Lagun Arok, eta Unicajak 14-0eko partziala lortu du. Minutuak pasa ahala Unicaja abantaila handitzen joan da (19-4 eta 23-7). Talde gipuzkoarra erabat galduta ibili da kantxan, eta lehen hamar minutuak etxekoen aldeko 27-10eko emaitzarekin bukatu dira.
Bigarren laurdenean guztiz aldatu da Lagun Aroren jokoa. Sito Alonsok zuzentzen duen taldeak bikain ekin dio laurden honi, eta aldeak murriztea lortu du. Talde gipuzkoarra Unicajarengandik bost puntura jarri da (31-26), baina orduan esnatu da Unicaja, eta etxeko taldea hamar puntuko abantailarekin iritsi da atsedenaldira (46-36).
Hirugarren laurdenaren hasieran Unicaja nagusi izan da, eta abantaila polita lortu du (56-45). Bazirudien Unicajak aise irabaziko zuela, baina Lagun Arok ez du etsi, eta aldeak murriztea lortu du. Laurden amaiera ona jokatu du Gipuzkoa Basketek, eta hirugarren laurdena bost puntuko desabantailarekin amaitzea lortu du (60-55).
Azken laurdena parekatua izan da. Lehen minutuetan Unicaja izan da nagusi, eta bederatzi puntuko aldea eskuratu du Malagako taldeak (69-60), baina Lagun Arok ez du etsi, eta hiru puntura murriztu du desabantaila (69-66, 71-68 eta 73-70). Azken segundoetan, ordea, Unicajak ez du kale egin eta 74-70ko emaitzarekin irabazi du partida.
Fitxa teknikoa:
74 - Unicaja (27+19+14+14): Calloway (19), Urtasun (11), Vidal (-), Panko (4), Luka Zoric (16) -hasierako bostekoa- Simon (5), Williams (13), Lima (-), Perovic (6), Fran Vazquez (-) eta Zoran Dragic (-).
70 - Lagun Aro GBC (12+24+19+15): Salgado (7), Papamakarios (5), Paunic (14), Wooods (12), Doblas (2) -hasierako bostekoa-, Neto (-), Rubio (4), Finley (21), Daniel Díez (-), eta Ibekwe (5).
Epaileak: Conde, Sanchez Monserrat eta Soto.
Zure interesekoa izan daiteke
IDK Euskotrenek eta Kutxabank Araskik Tate eta Mungo fitxatu dituzte, hurrenez hurren
Duran Maquinaria Ensinotik ailegatu da Imane Tate IDK Euskotrenera eta Julieta Mungo, berriz, Oses Construccion Ardoitik iritsi da Kutxabank Araskira. Bi jokalariek 2026-2027 denboraldirako sinatu dute.
Zer behar dute Kosner Baskoniak bigarren postua lortzeko eta Surne Bilbaok play-offetarako sailkatzeko?
Bi euskal taldeek asko dute jokoan Endesa Ligako fase erregularreko azken jardunaldian. Gasteizko taldeak eskura du bigarren postua eskuratzea Unicaja Malagari irabaziz gero. Horretarako, Valentzia Basketek eta Barçak geratzen zaizkien bi partidak ez irabaztea ere beharrezkoa dute. Bilbotarrek, bestalde, euren esku dute play-offak jokatzea eta 7., 8. edo 9. izan daitezke. Bigarren eta zazpigarren sailkatuak geratzen badira, bi euskal taldeek elkarren aurka joka dezakete.
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.