Denboraldiko bigarren garaipena lortu du GBCk CAI Zaragoza gaindituta
Lagun Aro GBCk denboraldiko bigarren garaipena lortu du, etxean, CAI Zaragoza mendean hartuta (79-70). Zaleei garaipena eskaini diote gipuzkoarrek Endesa Ligako 13. jardunaldian.
Lehen laurdenean susperraldia behar izan du Sito Alonsoren taldeak. Aurkariak ondo hasi du neurketa, baina esnatu da GBC eta aurreneko minutuetan markagailuan nagusi izan dira (26-20). Lagun Arok ez du hirukoetan huts egin, eta bost lortu ditu. Woods eta Taylor izan dira gakoak.
CAIk aurre egin dio GBCri bigarren laurdenean, eta gipuzkoarrek lan handia egin behar izan dute atsedenaldira markagailuan aurretik heltzeko (40-39).
Zaragozako taldeak ez zuen amore eman nahi, baina Lagun Arok partida borobila egin du, atzean zein erasoan. Azpimarratzekoa da David Doblasek eta Javi Salgadok egindako lana. Hirugarren laurdena 61-51 amaitu da.
Saiatu da CAI azken hamar minutuetan, baina garaipena Donostian geratu da, merezita. Javi Salgadoren hirukoak, bukaerarako segundo baten faltan, amaiera bikaina eman dio partidari. Woods izan da partidako saskiratzeile nagusi 19 punturekin.
Fitxa teknikoa
79.- Lagun Aro GBC: Salgado (18), Papamakarios (3), Rubio (3), Taylor (12), Doblas (6).- Ibekwe (2), Woods (19), Dani Díez (2), Neto (8), Kuksiks (6), Olaizola, Motos.
70.-CAI Zaragoza: Rudez (10), Roll (8), Van Rossom (14), Toppert, Norel (6)- hasierako bostekoa- Jones (4), Stefansson (7), Llompart (13),
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.