Erkiagak eta Mancik jokatuko dute Biscayne Cup txapelketako finala gaur gauean Johan eta Lopezen aurka
Aritz Erkiaga eta Mikel Mancisidor izango dira Johan Sorozabal eta Imanol Lopezen aurkariak Danian (Miami, AEB) lehiatzen ari diren Biscayne Cup txapelketako final handian. Bart jokatu den bigarren finalaurrekoak emozio handia izan du, eta Erkiagak eta Mancik hiru joko behar izan dituzte Xabi Barandika eta Unai Lekerika menderatzeko.
Daniako Jai Alai frontoian harmailak jendez gainezka egon dira eta giro aparta izan da. Biscayne Cup txapelketa Jai Alai komunitatearen topagune bilakatu da AEBn. Hainbat pilotari ohi bildu dira han, estatubatuarrak nahiz herrialde horretan bizitzen geratu ziren euskal herritarrak.
Partidari dagokionez, hirugarren setean erabaki behar izan da. Lehen jokoan, Erkiaga eta Manci gailendu dira (11-15), Barandikak eta Lekerikak maila oso ona erakutsi badute ere.
Bigarren setean, Erkiagak eta Mancik garaipena eskuan izan dute, 9-14 joan baitira irabazten. Alabaina, gehiegi fidatu dira, eta gernikarrek emaitza iraultzea lortu dute, tantoak bata bestearen atzetik eginda (15-14).
Norgehiagoka zirraragarria izan da, baita tentsio handikoa ere. Bi bikoteek asko zuten jokoan, eta berdinketa apurtzeko hirugarren setean erabaki da dena.
Azken jokoa ere oso lehiatua izan da. 2-2koarekin iritsi dira hutsartera, baina ondoren Erkiagak eta Mancik hiru tanto jarraian egin dituzte, tartean Barandikak eta Lekerikak egindako akats bat baliatuta, eta bigarren finalaurrekoa erabakita geratu da (2-5).
Materiala erabakigarria izan da neurketan. Erkiagak eta Mancik aukeratutako pilota ez da hautsi eta partida guztia iraun du. Barandikak eta Lekerikak, berriz, ezin izan dute nahi beste min egin eskuinaldetik, euren pilotaren larrua gastatuz joan baita partidak aurrera egin ahala.
Biscayne Cup txapelketako final handia gaur gauean jokatuko da, Miamin larunbat arratsaldea denean, eta partida zuzenean eskainiko dugu ETB1en eta eitb.eus atarian, 22:45etik aurrera.
Zure interesekoa izan daiteke
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.