Jai Alai Iron Cup txapelketa egingo dute Bilbon, Jai Alai Leaguen egutegian
Jai Alai League zesta-punta zirkuituan sartuko da Bilbo, Jai Alai Iron Cup 2024 txapelketarekin. Maiatzaren 3an hasi eta ekainaren 7ra arteko jokatuko dute, ostiraletan. Ligako zortzigarren proba izango da Bizkaiko hiriburukoa, maila gorenekoa, eta egungo pilotaririk onenak bilduko ditu.
"Slam" mailako torneoa izanik, irabazleek 2.000 puntu gehituko dituzte ranking ofizialean, txapeldunordeek 1.200; finalaurrekoetara sailkatzen direnek, ostera, 750, "Master" kategorian jasotzen denaren bikoitza, alegia. Neurketetarako sarrerak eta bonuak Eraman Jai Alai webgunean daude salgai. Bonoak 60 euro balio du, eta sei jardunaldietarako sarrera bermatzen du.
Gaur gaurkoz, Aritz Erkiaga da nagusi. Pilotari bizkaitarrak, Winter Series irabazteaz gain, Pauen, Lekeition eta Zumaian ere garaile izan zen. Oso momentu onean iritsiko da, jokatutako 15 partidak irabazita. Bilbon, Ion Ibarluzearekin jokatuko du, Gernikan garaipena lortu zuen bikotearekin, hain zuzen ere.
Barandika-Lekerika, Goitia-Basque, Biarritzeko Sorozabal anaiak (Johan-Gorka) eta Laduche-Manci bikoteak izando ditu aurkari Deportivoko Jai Alai Iron Cupen, maiatzaren 27an eta 28an jokatuko den Pro-Am txapelketa irabazten duen bikoaz gain.
Emakumeen Masterra
Era berean, emakumezkoen txapelketa ere antolatu dute, kalitate handiko lau bikoterekin. Horrenbestez, Durangon, Lekeition, Zumaian eta Gasteizen jokatutakoez gain, Bilboko lehia ere izango dute egutegian: Erika Mugartegi-Frida Watkings, Elaia Gogenola-Ihart Arakistain, Helena Barrenetxea-Maialen Aldazabal eta Maite Ortiz de Mendibil-Arai Lejardi bikoteak kantxaratuko dira. Emakumeen torneoa maiatzaren 24an hasiko da, gizonezkoen finalaurrekoekin batera.
Honako jauek dira Jai Alai Iron Cupeko taldeak eta parte-hartzaileak:
"A" TALDEA
Erkiaga-Ibarluzea
Barandika-Lekerika
Laduche-Manci
"B" TALDEA
Goitia-Basque
Johan-Gorka
Pro-Am txapelketako irabazleak
EGUTEGIA
Maiatzak 3, 19:00etan: ligaxkako lehen jardunaldia
Goitia-Basque vs Pro Am-eko irabazleak
Erkiaga-Ibarluzea vs Barandika-Lekerika
Maiatzak 10, 19:00etan: ligaxkako bigarren jardunaldia
Johan-Gorka vs Goitia-Basque
Barandika-Lekerika vs Laduche-Manci
Maiatzak 17, 19:00etan: ligaxkako hirugarren jardunaldia
Johan-Gorka vs. Pro Am-eko irabazleak
Laduche-Manci vs. Erkiaga-Ibarluzea
Maiatzak 24, 19:00etan: Finalaurrekoak
Elaia-Ihart vs Helena-Maialen
Gizonezkoen lehen finalaurrekoa
Maiatzak 31, 19:00etan: Finalaurrekoak
Erika-Frida vs Maite-Arai
Gizonezkoen bigarren finalaurrekoa
Ekainak 7, 19:00etan: Finalak
Zure interesekoa izan daiteke
Goitiak eta Gorkak eraman dituzte Iron Cupeko txapelak
Alex Goitia eta Gorka Sorozabal nagusitu dira 2026ko Iron Cupeko finalean, Eñaut Urreisti eta Thibault Basque bi setetan garaituta (15-10 eta 15-10). Lehen setean buelta eman behar izan diote markagailuari, baina bigarrenean aurkariek maila jaitsi dute eta bikote laranjak aise lortu du garaipena eta txapela.
Ihart eta Arai azken tantora arte borrokatu dira Iron Cupeko txapelak janzteko
Ihart Arakistain eta Arai Lejardi dira 2026ko Iron Cupeko txapeldunak. Hiru setetan garaitu dituzte Elaia Gogenola eta Eneritz Lizardi (10-15, 15-7 eta 4-5). Oso final parekatua izan da, parte bakoitzean bikoteetako batek agindu du, eta azken tantora arte lehiatu behar izan dira garailea aukeratzeko.
Urreisti eta Basque Iron Cupeko finalera sailkatu dira
Eñaut Urreistik eta Thibault Basquek Iron Cupeko finala jokatuko dute Goitia eta Gorkaren aurka, finalerdietan Eñaut Astelarra eta Unai Lekerika garaitu ondoren (15-13 eta 15-8). Lehen jokoa oso lehiatua izan da, baina bigarrenean bikote garailea errazago aritu da.
Elaia eta Eneritz izango dira Iharten eta Arairen aurkariak Iron Cupeko finalean
Elaia eta Eneritz izango dira Iharten eta Arairen aurkariak Iron Cupeko finalean, Maite eta Maialen 2 setetan garaitu ostean: 15-10 eta 15-14. Partida parekatua izan da, eta txikikeria batzuek jarri dute markagailua Elaiaren eta Eneritzen alde.
Goitia eta Gorka nagusitasunez igaro dira Iron Cupeko finalera
Alex Goitiak eta Gorka Sorozabalek Iron Cupeko finalerako txartela lortu dute Johan eta Atain mendean hartuta (11-15 eta 6-15). Lehen seta lehiatua izan da, baina bigarrenean garaileek ez diete aukerarik eman aurkariei.
Ihart eta Arai, Iron Cupeko lehen finalistak
Ihart Arakistain eta Arai Lejardi Iron Cupeko finalera sailkatu dira, finalerdietan Lur eta Oaia garaituz bi setetan (9-15 eta 10-15). Set hasieretako tantoak trabatu egin zaizkie, baina orokorrean partidaren agintea eraman dute. Datorren astean ezagutuko dute zein bikote izango den aurkaria.
Astelarra-Lekerika eta Goitia-Gorka bikoteek osatuko dituzte Iron Cupeko finalerdiak
Lehen partidan, Astelarra eta Lekerikak Libois eta Ibarluzea garaitu dituzte (15-11, 14-15 eta 5-2). Urreisti eta Basque izango dituzte aurkari finalerdietan. Bigarrenean, Goitiak eta Gorkak bi setetan menderatu dituzte Erkiaga eta Manci (15-11 eta 15-8). Hala, Johan eta Atain izango dituzte aurkari finalerdietan.
Urreisti-Basque eta Johan-Atain, Iron Cupeko finalerdietara
Urreistik eta Basquek Iron Cupeko A multzoko lehen postua ziurtatu dute Goitia eta Gorka 8-15 eta 13-15 irabazi ostean. B multzoan, bestalde, Johan eta Atainek lehen berdina lortu dute Astelarra eta Lekerika 5-15 eta 8-15 irabazita.
Astelarrak ordezkatuko du Olharan Bilboko Iron Cup txapelketan
Jean Olharanek ez du Bilboko Iron Cup txapelketan parte hartuko, belaunean jasandako kolpe baten ondorioz.
Erkiaga eta Manci faboritoak galtzaile, Iron Cupeko lehen jardunaldian
Urreisti eta Basqueren aurka galdu dute, 9-15 eta 5-15, A multzoko partidan. B multzoko estreinakoan, berriz, Johan eta Atainek 10-15 eta 12-15 garaitu dituzte Libois eta Ibarluzea.