Jai Alai Leaguek urte guztiko egutegia osatu du, egoitza eta txapelketa berriekin
Iparraldeko eta Hegoaldeko zesta-punta txapelketa nagusiak batzen dituen Jai Alai Leaguek egoitza, data eta txapelketa kopurua ugaritu ditu, urte guztiko egutegi jarraitua osatuta. Horrenbestez, Liga aurkeztu eta urtebete eskasera, lau txapelketa izatetik hamairu izatera pasa da. Bilbo, Gasteiz, Zumaia, Markina-Xemein eta Lekeitio batzeaz gain, Iparraldeko txapelketak bikoiztu egin dira, eta urte honetan bertan egoitza berriak gehitzeko aukera zabalik mantentzen da.
Orain arte lau txapelke; aurrerantzean, hamairu
Bigarren denboraldi honetan, lau txapelketatik hamairura pasatu dira, bi kategoriatan banatuta. Batetik, Slam mailakoetan, Donibane Lohitzuneko Cesta All Star, Bilbao Iron Cup, Markina-Xemeingo Grand Slama eta Gernikako Grand Slama (udakoa) dira berritasunak. Bestetik, Masters kategorian, Gasteiz, Zumaia, Lekeitio, Paueko Cesta de Nadau txapelketa eta Biarritzeko Nazioarteko Opena batu dira ligara.
Ligako Masters puntuagarriak hamabost dira, guztira. Izan ere, Slam kategoriako hiru txapelketa, Master mailako barne-lehiaketez osatuta daude: Donibane-Lohitzuneko Nazioartekoak (4 Masters), Biarritzeko Urrezko Xistera (4 Masters) eta Paueko Kopa (2 Masters). Ondoren, txapelketa hauetako bakoitzak amaierako fase bat dauka pilotaririk onenekin eta hortik aterako da Slam horretako txapelduna.
"Iron Cup", Bilboren apustu handia
Bilbok egoitza garrantzitsua izan nahi du zesta-puntako ligan eta Slam kategoriako txapelketa handi batekin egingo du debuta. Bilbao Iron Cup maiatzaren 10etik ekainaren 7ra jokatuko dute, bost ostiraletan, Deportivo pilotalekuan. Gorengo mailako txapelketa da Jai Alai Leagueko egutegian, eta ligarako puntuagarria. Gasteiz ere berritasuna izango da, apirilean Olabe pilotalekuan jokatuko den Mastersarekin. Halaber, Zumaia, Markina-Xemein eta Lekeitio ere, Jai Alai Leagueko egoitza ofizial izatera pasa dira.
100 partida baino gehiagoko egutegia
Guztira, profesional mailako 100 neurketa baino gehiago jokatuko dituzte, hamar frontoi edo egoitzetan banatuta. Jai Alai Leaguen amaiera fasea Durangoko Final Fourrean erabakiko da, eta pilotari onenek jokatuko dute, ranking ofizialean lortutako puntuen arabera. Kategoriaren arabera, puntuazio jakin bat izango du txapelketa bakoitzak eta egutegia ez dago erabat itxita. Izan ere, urte honetan bertan egoitza gehiago sartzeko aukera ari da negoziatzen Liga.
-Urriak 26-28 Open International Biarritz (Master)
-Urtarrilak 30 - otsailak 18 Eusko Label Winter Series (Slam)
-Abenduak 8-22 Cesta de Nadau Pau (Master)
-Martxoak 23-28 Lekeitio Jai Alai Master Series (Master)
-Apirilak 1-8 Zumaia Jai Alai Master Series (Master)
-Apirilak 7-25 Cesta All Star SJL (Slam)
-Apirilak 13-26 Gasteiz Jai Alai Master Series (Master)
-Maiatzak 10 - ekainak 7 Bilbao Jai Alai Iron Cup (Slam)
-Ekainak 15 - uztailak 16 Markina-Xemein Jai Alai Grand Slam (Slam)
-Uztailak 4 - abuztuak 27 Internationaux Cesta Punta SJL (Slam)
-Uztailak 8 - abuztuak 21 Gant D'Or Biarritz (Slam)
-Uztailak 12 - irailak 6 Pau Cup (Slam)
-Uztailak 20 - abuztuak 17 Gernika Jai Alai Grand Slam (Slam)
-Urria Final Four Durango Final 4
Zure interesekoa izan daiteke
-1?fmt=webp-alpha&qlt=80)
Ezusteko finala: Urreisti eta Laduche, Banakako txapelaren bila
Eñaut Urreistik eta Ludovic Laduchek larunbatean, maiatzaren 2an, jokatuko dute Banakako Txapelketako finala Berriatuan, Aritz Erkiaga txapelduna eta Johan Sorozabal faboritoa hurrenez hurren kanporatu ondoren.
Bixente-Atain eta Erkiaga-Gorka, eta Pape-Lizardi eta Laugie-Mercadie, Donibane Lohizuneko All Starreko finalera
Astearteko kinieletan, bikote onenak izan ziren, eta, horrenbestez, finaletarako txartelak eskuratu dituzte; horiek datorren asteartean jokatuko dituzte, hilaren 28an.
Erkiagak kostata lortu du Banakako Txapelketan aurrera egitea
Aritz Erkiagak mendean hartu zuen Julen Basterra “Txanika” Berriatuako Mendibarrenen jokatutako Zesta-Puntako Banakako Txapelketa nagusian. Partidan bizi eta gogorra izan arren, hiru jokotan lortu zuen garaipena (6-12, 12-6 eta 5-3). Bestalde, Johanek Liboisi irabazi zion bi jokotan 12-8 eta 12-10 eginda.
Mariatxi talde batek, Imanol Lopezi, haren agurrean: “Erregea izaten jarraitzen dut”
Aitzuri pilotalekuan, Zumaian, Imanol Lopezek, zesta-punta profesionala utzita, eguneko protagonista nagusiak oparia jaso du: mariatxi talde batek El rey kanta eskaini dio, eta berak ere abestu du, osorik.
Imanol Lopez, hunkituta, bere agurrean: “Jarrai dezala kirol polit honen olatuak, merezi du eta"
Zumaiako atzelaria eskerturik agertu da: "Eskerrak guztiei, bihotzez, une honengatik, batez ere nire familiari". "Kirol honetan hainbeste urtez aritzea, niretzat, harro egoteko modukoa da", gaineratu du agurreko hitzaldian.
Imanol Lopez: “Poza sentitzen dut, asko disfrutatu dut, oso pozik nago”
Imanol Lopezek 2026ko Zumaia Jai Alai Master Seriesen esan dio agur pilota munduko haren ibilbide profesionalari, Aitzuri pilotalekuan, herriko jaietan, eta, gainera, azken txapela bat janztea lortu du; izan ere, Aritz Erkiagarekin batera, Jean Olharan eta Unai Lekerika aurkari, garaipena eskuratu du.
Imanol Lopez, Erkiaga lagun, txapeldun izan da bere agurrean
Erkiagak eta Lopezek bi jokotan (15-12 eta 15-10) irabazi diete finala Olharani eta Lekerikari, atzelari zumaiar handiaren azken neurketan. Emakumezkoen finalean, Elaia eta Frida nagusitu dira, hiru jokotan (15-9, 11-15 eta 5-2).
Imanol Lopezek San Telmo egunean esango dio agur zesta-puntari, Zumaia Jai Alai Master Seriesen finalean
Astelehenean jokatu dute bigarren finalerdia, eta Erkiagak eta Lopezek Johan eta Ibarluzea kanporatu dituzte, bi jokotan, 15-9 eta 15-11; emakumezkoen txapelketan, Elaiak eta Fridak Helena eta Oaia menderatu dituzte, bi jokotan ere, 15-14 eta 15-12.
Donibane Lohizuneko All Starraren bosgarren edizioa aurkeztu dute
Donibane Lohizuneko All Starraren bosgarren edizioaren aurkezpena egin dute asteazken honetan. Gizonezkoena apirilaren 9an hasiko da eta emakumezkoena, berriz, 21ean. Finalak 28an izango dira eta Euskal Telebistan jarraitu ahal izango dira.
Olharan-Lekerika eta Ihart-Maialen, Zumaiako Master Serieseko finalera
Harmailetan giro ederra zela jokatu ziren atzo Zumaiako Master Seriesko finalerdiak, eta Ihart-Maialen eta Olharan-Lekerika bikoteak atera dira garaile bi jokotan. Olharanek eta Lekerikak 13-15 eta 11-15 hartu zituzten mendean Urreisti eta Uranga. Ihart eta Maialen 15-13 eta 15-5 nagusitu zitzaizkien Sorozabali eta Eneritzi.