Zortzi puntista onenek izango dute jokoan Jai Alai Leagueko lehenengo txapela, Durangoko lauko finalean
Ranking ofizialeko zortzi puntista onenek izango dute jokoan hurrengo egunetan Jai Alai Leagueren historiako lehen txapela; izan ere, Ligak lauko finala izango du, Durangoko Ezkurdi Jai Alai pilotalekuan. Hain zuzen, ostegunean lauko final horren aurkezpenean zehaztu dutenez, Jai Alai Leagueko finalaurrekoak astelehenean jokatuko dituzte, urriaren 9an, eta final handia hurrengo astelehenean izango da, hilaren 16an. Iñaki Osa Goikoetxea eta Imanol Lopez Ludovic Laducheren eta Thibault Basqueren aurka arituko dira finalerdi batean, eta Aritz Erkiagak eta Gorka Solozabalek osatutako bikotea eta Johan Sorozabalek eta David Minviellek osatzen dutena arituko dira bestean nor baino nor gehiago. EITBk eitb.eus eta ETB1en bidez eskainiko du lauko finala.
Aipatutako puntista horiek Liga bateratu ofizialeko onenak dira, eta bikoteka jarri dituzte, 2022-23 denboraldiko bikoterik onena zehaztea helburu. Jai Alai Leaguen, 24 pilotari ibili dira, 57 partidatan, txapelketa hauetan: Eusko Label Winter Series, Biarritzeko Urrezko Xistera, Donibane Lohizuneko Nazioartekoak eta Paueko Kopa. Durangoko Final Four honek itxiko du Liga.
Orain arte Jai Alai Leagueko unerik onenak gogoratzen hasita, nabarmentzeko modukoa da Beaskoetxeak eta Lopezek Winter Series irabazi zutela, Goikoetxeak eta Lopezek eskuratu zutela Biarritzeko Urrezko Xistera, Erkiaga eta Gorka Sorozabal gailendu zirela Donibane Lohizuneko Nazioartekoetan, eta Paueko Kopa Goikoetxeak eta Lopezek lortu zutela.
Bikoteak egiteko, aurrelarien eta atzelarien sailkapena izan dute kontuan. Goikoetxea da aurrena aurrelarietan, eta Lopez atzelarietan, eta horregatik jokatuko dute elkarrekin; bi bigarrenek, bi hirugarrenek eta bi laugarrenek osatuko dituzte gainerako hiru bikoteak. Rankingeko onenek laugarrenen aurka jokatuko dute, eta bigarrenak eta hirugarrenak arituko dira elkarren aurka.
Lauko finala Ezkurdin jokatuko dute, eta EITBn jarraitu ahal izango dute zaleek, eitb.eus-en eta ETB1en.
Zure interesekoa izan daiteke
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.
Lur-Alize eta Txanika-Salegi, Markina-Xemeingo finaletara
Txanikak eta Salegik ezustekoa eman eta Markina-Xemeingo Grand Slameko finalerako txartela eskuratu dute. Kitarako jokoan gailendu zaizkie Urreisti eta Gorkari. Lehen jokoan 15-12 nagusi; bigarrenean 14-15 galdu eta azkenekoan 5-3. Lurrek eta Alizek ere hirugarren seta behar izan dute Helena eta Maiari irabazteko. Lehen seta 15-14 galdu dute, bigarrena 15-14 irabazi eta azkenekoan, 5-1 jaun eta jabe izan dira.
Elaia-Arai eta Erkiaga-Atain bikoteak Markinako Grand Slameko finalera sailkatu dira
Markinako Grand Slameko finalerdietan, Erkiagak eta Atainek kitarakoan hartu dituzte mendean Goitia eta Basque. 15-12, 14-15 eta 5-3 nagusitu dira. Finala, Urreisti-Gorka edo Txanika-Salegi bikotearen aurka jokatuko dute. Emakumezkoetan, berriz, Elaiak eta Araik, Erika eta Frida menderatu dituzte bi setetan. 15-11 eta 15-12 nagusitu dira. Lur-Alize edo Helena-Maia bikotea izango dute aurkari finalean.
Goitia-Basque eta Txanika-Salegi, finalerdietara
Grand Slam-Jai Alai Leagueko hirugarren jardunaldian, Txanikak eta Salegik bi set behar izan dituzte Urreisti eta Gorka mendean hartzeko (8-15 eta 14-15). Goitia eta Basque ere bi setetan nagusitu zaizkie Javierri eta Zabalari (15-9 eta 15-9). Bigarren eta azken setean, markagailuan 2-1ekoa zegoela, Goitiak min hartu du ezker orkatilan, eta ordutik Basquek hartu du bikotearen jokoaren ardura. Hala ere, mina gorabehera, Goitiak tanto ikusgarri batekin itxi du partida, bigarren seta irabazita garaipena eskuratuz.
Goixerrik eta Lekerikak jantzi dute txapela Mungian, final zirraragarrian Erkiaga eta Gorka garaituta
Goixerrik Jai Alai Leaguen irabazten duen aurreneko txapela da. Lehen jokoan markagailuan agindu dute irabazleek, baina azken txanpan asko estutu dituzte Erkiagak eta Gorkak (13-15). Bigarren jokoan, galtzaileak izan dira aurretik, baina azkenean azken tantoak erabaki du (14-15).
Maite eta Maia, Mungia Master Serieseko txapeldunak, finalean Elaia eta Oaia bi jokotan jipoituta
Maite Ortiz de Mendibil arabarra eta Maia Goikoetxea bizkaitarra aise nagusitu dira bi jokotan (5-15 eta 5-15), eta txapela bereganatu dute. Elaia Gojenola aurrelari berriatuarrak eta Oaia Otaño atzelari mutrikuarrak ez dute inolako aukerarik izan.
EITBk zesta-puntarekin duen konpromisoa indartu du
Akordio historikoa sinatu eta aurkeztu da, ostegunean, EITBk Bilbon duen egoitzan. Andoni Aldekoa EITBren zuzendari nagusia, Ipar Euskal Herriko eta Hego Euskal Herriko txapelketa nagusietako antolatzaileak eta puntistak izan dira bertan. Gainera, gizonezkoetan, Challenger izeneko zirkuitua hasiko da, larunbatean.