Barandikak eta Basquek sufritu baina hiru jokotan irabazi diete Johan eta Gorkari
Garaileek aurkarien hasiera kaskarra aprobetxatu dute lehen jokoa nahiko erraz irabazteko. Bigarrenean, ordea, Sorozabal anaiek nabarmen hobetu dute euren jokoa, hirugarren jokoa behartuz. Hirugarrenean, ordea, gernikarra eta bidartarra sendoagoak izan dira.
Barandika eta Basque euren garaipena ospatzen. Argazkia: Eraman!
Xabi Barandikak eta Thibault Basquek hiru jokotan (15-11, 12-15 eta 5-2) gainditu dituzte Johan eta Gorka Sorozabal Eusko Label Winter Series txapelketako finalerdietako ligaxkaren bigarren jardunaldian, Gernikako Jai Alai pilotalekuan.
Partida hasiera hotz samarrean, Sorozabal anaiek hutsak egin dituzte, Gernikako pilotalekuari neurria hartzeko zailtasunekin. Behin Biarritzeko bikotea neurketan sartuta ere, Barandika eta Basque aurkariak baino askoz gehiago izan dira. Gernikako aurrelariak eta Bidarteko atzelariak joko sendoa erakutsi dute lehen jokoa nahiko erraz irabazteko (15-11). Biek une oro agindu dute markagailuan, eta ez da berdinketarik izan lehen joko osoan.
Bikote lapurtarrak nabarmen hobera egin du bigarren jokoan. Sorozabal anaiek bigarren jokoa agintzen hasi dira, baina Barandikak eta Basquek ez dute etsi eta Biarritzeko bikotearen intentsitatea berdindu dute. Hala ere, Gernikako aurrelaria ez da errematean ausartu eta jokoa atzean kargatu du etengabe. Aitzitik, Johan ausartagoa izan da errematean eta horrek jokoa erabaki du, hirugarren eta behin betiko jokoa behartuz (12-15).
Barandikak oso zorrotz hasi du hirugarren jokoa txula eta bi pareta batekin (2-0). Johanek maisu jokaldi batekin erantzun dio, zabalean pilota bikain bat jarriz (2-1). Jarraian, Gorkak ez du pilota nahiko erraza xisteran sartu (3-1), eta atsedenaldiaren ostean, gernikarrak eta bidartarrak laugarren tantoa egin dute, jokoa eta neurketa berehala erabakiz (5-2).
Johan eta Gorka Sorozabal atzo iritsi ziren Euskal Herrira, eta Eusko Label Winter Series txapelketako bi partida jokatuko dituzte jarraian (urtarrilak 12 eta 19).
Sorozabal anaiak abendutik daude Dania Jai Alain (Florida) jokatzen, baina maila ez da berdina (Johan eta Gorka estatistiken buru dira abantaila handiarekin), eta kantxa eta materiala aldatzen dira. Gainera, Atlantikoa zeharkatzeak eragiten duen nekea gehitu behar zaio, ia egokitzeko denborarik gabe.
Aurreko urtean, Urreistik eta Gorkak lehen fase oso ona egin zuten, baina emaitzak ez ziren berdinak izan Floridatik etorri behar izan zutenean.
Zure interesekoa izan daiteke
Imanol Lopezek, astelehenean, agur esango dio Gernikako frontoiari profesional gisa
"Mariskal" handiak erretiroa hartuko zuela iragarri urrian, eta ezustean, Winter Series txapelketaren aurkezpenean. Astelehenean, zumaiarrak eta Urreistik Olharan eta Basque izango dituzte aurkari.
Eusko Label Winter Series txapelketaren finalerdietako ligaxkaren 5.jardunaldiko hiru tanto onenak
Alex Goitiak eta Johan Sorozabalek egin dituzte Eusko Label Winter Serieseko finalerdietako ligaxkako bosgarren jardunaldiko tanto onenak.
Lekerika: "Gaur hasieratik dena ematera atera gara, eta neurketa ona jokatu dugu"
Alex Goitiak eta Unai Lekerikak erraz irabazi diete Johan eta Gorka Sorozabali bi jokotan (15-6 eta 15-8) Eusko Label Winter Series txapelketako finalerdietako ligaxkako bosgarren jardunaldian. Horrela, bikote bizkaitarrak otsailaren 15eko finalerako txartela lortu du.
Goitiak eta Lekerikak bi jokotan gainditu dituzte Sorozabal anaiak, eta finalean sartu dira
Bizkaitarrek finalerako txartela lortu dute, Johan eta Gorka mendean hartuta (15-6 eta 15-8). Lapurtarrek partida kaskarra egin dute, hanka-sartze gehiegitxorekin. Alex Goitiak, ordea, neurketa bikaina jokatu du.
Goitia-Lekerika vs Johan-Gorka finalaurreko ligaxkaren neurketako azken tantoa
Goitiak eta Lekerikak erraz irabazi diete Johan eta Gorka Sorozabali, bi jokotan (15-6 eta 15-8) Eusko Label Winter Series txapelketako finalerdietako ligaxkako bosgarren jardunaldian. Horrela, bikote bizkaitarrak otsailaren 15eko finalerako txartela lortu du.
Barandika: "Ostegunean egingo didate ebakuntza, eta gutxienez lau hilabete beharko ditut sendatzeko"
Gernikako aurrelariak aitortu du lesioa "kolpe gogorra" izan dela. Hala ere, "nahiko burugogorra" denez berriro ere kantxetara "ondo itzultzea" espero du, belauneko lesioarekin gertatu bezala.
Finala ez da atzeratuko, eta otsailaren 15ean jokatuko da, nahiz eta Barandika lesionatuta egon
Barandika lesionaturik dabil, eta haren ordez nor arituko den txapelketak erabakiko du. Zehazki, finalerdietako ligaxkan hirugarren postuan sailkatzen den bikoteko aurrelariak hartuko du gernikarraren lekua finalean.
2025-2026ko Eusko Label Winter Series txapelketako sailkapenak, emaitzak eta egutegia
Txapelketak 18 jardunaldi izango ditu, eta urriaren 27an hasiko da. Partida guztiak astelehenez jokatuko dira, finala izan ezik (otsailaren 15ean, igandez). Topaketak ETB1en eta eitb.eus izango dira ikusgai.
Barandika eta Basque finalean, epika eta guzti
Barandikak eta Basquek bi jokotan (15-6 eta 15-14) irabazi zieten astelehenean Goitiari eta Lekerikari Eusko Label Winter Serieseko finalerdietako ligaxkaren laugarren jardunaldian. Horrela, aurrelari bizkaitarrak eta atzelari lapurtarrak txapelketako finalera sailkatzea lortu dute.
Eusko Label Winter Series txapelketaren finalerdietako ligaxkaren 4.jardunaldiko hiru tanto onenak
Alex Goitiak eta Xabi Barandikak egin dituzte Eusko Label Winter Serieseko finalerdietako ligaxkako laugarren jardunaldiko tanto onenak.