Albiste da:

Erkiaga-Ibarluzea eta Arbe-Manci bikoteak aurrez aurre, Eusko Label Winter Series txapelketako 4. jardunaldian

Gernikako Jai Alai frontoian jokatuko duten partidarako sarrerak agortuta daude. 22:15etik aurrera, ETB1en eta eitb.eus-en izango da ikusgai.

Eusko Label Winter Series txapelketaren aurkezpeneko argazkia.

EITB

2023/11/20 - 09:57

Azken eguneratzea

2023/11/20 - 09:58

Erkiaga-Ibarluzea eta Arbe-Manci bikoteek jokatuko dute Eusko Label Winter Series txapelketako laugarren jardunaldia, Gernikako Jai Alai frontoian. Norgehiagoka EITBn izango da ikusgai, ETB1en eta eitb.eus-en, 22:15ean hasita.

Jokin Arbek eta Mikel Manzisidorrek ProAm finalean Cosme Aguirre eta Ruben Bailo mendean hartu ostean lortu zuten Winter Series jokatzeko txartela. Gaur gauean, Erkiagaren eta Ibarluzearen aurka jokatuko dute lehen neurketa. Erkiagak eta Ibarluzeak garaipen bat daramate oraingoz, eta B taldearen lehen postuan daude.

Astelehen honetan ere frontoia jendez lepo egongo da, sarrera guztiak agortuta, 2.000 pertsona inguru espero baitira.