Ezkurdia eta Mariezkurrena, 2023ko CaixaBank Masterseko txapeldunak Altuna eta Imaz garaituta (22-6)
Joseba Ezkurdiak eta Jon Mariezkurrenak irabazi dute 2023ko CaixaBank Masters txapelketa, igande honetan 22-6 gailendu ondoren Jokin Altunaren eta Ander Imazen aurka Nafarroa Arenan jokatutako final handian. Gorriak nagusi izan dira frontoian eta ez diete txapelarekin amesteko aukerarik ere eman urdinei.
Bi bikoteek ostiralean lortu zuten finalerako txartela, finalerdietan aurkariak gaindituta. Ezkurdiak eta Mariezkurrena II.ak 22-20 irabazi zieten Jaka eta Martijari; Altuna III.a eta Imaz, berriz, 22-13 nagusitu ziren Peña II.aren eta Rezustaren aurka.
Ezkurdia-Mariezkurrena bikoteak, gaur gorriz, hobeto hasi du partida eta bizkor hartu diete aurrea aurkariei (8-1). Arbizuko aurrelaria fin ibili da eta tantoak bukatzeko kolpeak nahi bezala atera zaizkio, horretarako "lagun" onenak gantxoak izan dituelarik. Sakeak tantoaren gidoia bideratzeko aukera eman diete gorriei, eta Altunari zaildu egin zaizkio defentsa lanak lautik aurrera.
Ezkurdiaren huts batek sakea eta pilota aldatzeko aukera eman die urdinei eta jokoa parekatuagoa bilakatu da. Altuna erosoago ibili da eta Imazek asko lagundu dio, pixkanaka markagailuan hurbiltzen hasiz (8-4).
Baina Ezkurdia eta Mariezkurrenari dena ondo atera zaie, batez ere atzelariari, pilota gehienak bederatzitik atzera jaurti baititu. Hala, berriz egin diete ihes markagailuan eta partida ahalik eta bizkorren erabakita utzi nahi zutela zirudien (14-4).
Hortik aurrera urdinek ezin izan dute aurrera egin eta gorriak jaun eta jabe izan dira. Azkenean, Ezkurdiak eta Mariezkurrenak iazko txapela berretsi dute 22-6 irabazita Altuna eta Imazi.
Zure interesekoa izan daiteke
Lasok eta Martijak markagailua irauli, eta 22-19 irabazi diote Larrazabal eta Zabaletari
Lasok eta Martijak Masters CaixaBankeko lehen puntua lortu dute, partidari buelta emanda. Urdinak nagusi izan dira hasieran (13-17), baina Martijaren sendotasunak eta Lasoren azken txanpako joko onak 81 minutuko dema gogorra erabaki dute gorrien alde (22-19).
Abuztuaren 11n hasita, Donostiako jaietan jokatuko da Donostia Hiria 2026 Torneoa
Lasok eta Iztuetak abuztuaren 11n jokatuko dute lehen finalerdia Peña II-Mariezkurrena II bikotearen aurka, eta abuztuaren 12an bigarren finalerdia, Ezkurdia-Zabaleta eta Altuna III-Rezusta bikoteen artekoa. Finala abuztuaren 14an izango da.
Artolak eta Rezustak lehen puntua eskuratu dute (17-22)
Barakaldon, Artolak eta Rezustak Caixabank Masterseko lehen puntua eskuratu dute Ezkurdia eta Albisuri 17 eta 22 irabazita. Otxandion ere pilota izan da arratsaldean. Elordi eta Mariezkurrena 22 eta 18 nagusitu zaizkie Larrazabal eta Zabaletari.
Leitza Hernaniri nagusitu zaio Herriarteko txapelketan (2-1)
Leitzak irabazi du Zumarragan jokatu den Herriarteko pilota txapelketaren finala. Hirugarren partidan erabaki da lehia. Senior mailan, Txoperenak eta Goikoetxeak eskuratutako garaipenak eman die garaipena leitzarrei, 22 eta 19 gailendu dira Apaolaza eta Lizeagaren aurka.
Altuna eta Imaz ez dira aurkari izan Etxeberria eta Iztuetarentzat (6-22)
Etxeberriak eta Iztuetak aise menderatu dituzte Altuna eta Imaz 2026ko CaixaBank Masterseko lehen partidan. Ez da partidarik izan eta, lehen 10 tantoak jarraian lortuta, urdinek azkar bideratu dute norgehiagoka, Iztuetak neurketa bikaina jokatu duelarik.
Laso-Albisu, Larrazabal-Mariezkurrena, Altuna-Rezusta eta Zabala-Zabaleta, Andre Maria Zuriko deman
Horrela, Laso eta Albisu Binakako egungo txapeldunak abuztuaren 5ean Larrazabal eta Mariezkurrenaren aurka lehiatuko dira. Hurrengo egunean, abuztuaren 6an, Aspeko adarrean, Altuna-Rezusta eta Zabala-Zabaleta lehiatuko dira bigarren finalerdian.
Laso-Iztueta, sanferminetako binakako txapeldunak!
Unai Laso eta Martxel Iztueta San Fermin torneoaren Binakako txapeldunak dira, Peio Etxeberria eta Jose Javier Zabaleta 22-19 mendean hartuta. Final estu eta zaila izan da, baina bigarren zatian nagusi izan dira gorriak. Lasok San Fermin torneo biribila egin du, Lau t’erdikoa eta Binakakoa irabazi baititu.
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Etxeberria eta Zabaleta dira San Fermin Torneoko bigarren finalistak
Peio Etxeberria eta Jose Javier Zabaleta Binakako San Fermin Torneoko finalera sailkatu dira, Altuna eta Martija 9-22 garaituta Labriten. Partida uneoro izan dute kontrolpean eta aise lortu dute garaipena. Finalean Laso eta Iztueta izango dituzte aurkari.
Laso-Iztueta bikotea, San Fermin Torneoko finalera
Bizkarreta-Gerendiaingo aurrelariak eta atzelari tolosarrak 22 eta 20 irabazi diete Erik Jakari eta Jon Mariezkurrenari. Ordu eta laurdeneko, eta 626 pilotakadako lehia estua izan da. Lasok eta Iztuetak Ezkurdiari eta Gabirondori irabazi zieten aurrena, eta atzoko bigarren garaipenari esker, astearteko finalean izango dira.