Javi Zabala, 2023ko San Mateo Feriako berritasun nagusia
2023ko San Mateo Feria aurkeztu dute astelehen honetan, uda garaian jokatzen den esku-pilotako azken txapelketa. Edizio honetako berritasun nagusia Logroñoko Javier Zabala aurrelariaren parte-hartzea izango da; izan ere, Aspek pilotari errioxarraren aldeko apustua egin du, Jose Javier Zabaleta atzelariarekin batera bikotea egin dezan.
Horrela, Zabala-Zabaleta bikoak B multzoa osatuko duten bikoteetako bat izango da, Larrazabal-Imazekin batera. Aurrelari arabar gaztea ere berritasuna izango da txapelketan, udan egingo dituen agerraldi onen sari gisa. Multzoko azken bikotea Altuna III-Martija izango da, hau da, joan zen urteko txapeldunak.
A multzoan, berriz, Elordi-Rezusta –San Mateoko garaikurra hirutan irabazi du Bergarako atzelariak–, Peña II-Mariezkurrena II, –uda honetan Andre Maria Zuriaren Torneoa (Vitoria-Gasteiz) irabazi eta Bilboko Aste Nagusiko finalera iritsi den bikotea–, eta Jaka-Albisu arituko dira
Txapelketa Logroñoko Javier Adarraga pilotalekuan jokatuko da, irailaren 15etik (ostirala) 24ra (igandea), eta hiru partida jokatuko dira egunero, hilaren 16an eta18an izan ezik, egun horietan ez baita neurketarik egongo.
Ekitaldiaren aurkezpenean San Mateoetan parte hartuko duten hamabi pilotarietatik hamar izan dira. Altuna III.a (Aspe) eta Jaka (Baiko) aurrelariek ez dute bertaratzerik izan gastroenteritisak jota, bi enpresetako intendenteek azaldu dutenez.
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Zabala eta Iztueta, CaixaBank Masterseko finalerdietara (15-22)
Zabalak eta Iztuetak 4. puntua eskuratu dute Artola eta Rezusta garaituta, eta, beraz, CaixaBank Masterseko finalerdietarako sailkatu dira.
Minutuko isilunea egin dute hildako gaztearen omenez Lekeitioko pilotalekuan
Pilotalekuan partida jokatzen ari zenean jakin dute antzarretan mutil bat zendu dela, eta orduan jakinarazi diete harmailetan zeuden zaleei. Lehen atsedenaldi luzean, minutuko isilunea egin dute, hildakoaren omenez.
Imazek, ondoezik, ezin izan du partida amaitu; Ezkurdiak eta Albisuk lortu dute garaipena (22-14)
Lekeition jokatu den CaixanBank Masterseko neurketa bertan behera gelditu da, Ezkurdia eta Albisu Altuna eta Imaz 18-14 menderatzen ari zirenean Oiartzungo atzelaria ondoezik sentitu baita. Ezkurdiak eta Albisuk bigarren puntua batu dute horrela, eta sailkatzeko aukerak izaten jarraitzen dute. Altuna eta Imaz, berriz, sailkatzeko aukerarik gabe gelditu dira, garaipen bakarra lortu baitute.
Elordi eta Mariezkurrena CaixaBank Masterseko finalaurrekoan izango dira, Laso eta Martija aise garaituta (22-10)
Aitor Elordi eta Jon Mariezkurrena 22-10 gailendu dira Unai Laso eta Julen Martijaren aurka Lekeitioko pilotalekuan jokatu duten partidan, eta, ondorioz, CaixaBank Masterseko finalerdietarako sailkatu dira. Gorriak jaun eta jabe izan dira.
Dario gorriz etxekoen aurrean eta Altuna aurrekanporaketan, San Mateo torneoan
Sanmateoetako pilota torneoa aurkeztu dute gaur Logroñon. Irailaren 18tik 27ra bitarte jokatuko da. Atarikoetan, A Multzoan Jaka-Mariezkurrena, Zabala-Rezusta eta Artola-Albisu Larrazabal-Iztueta arituko dira. B multzoan, Laso-Landa, Dario-Zabaleta, Ezkurdia-Martija eta Altuna-Bikuña.
Hirugarren puntua, Artola eta Rezustarentzat (22-20)
Artolak eta Rezustak 22-20 garaitu dituzte Larrazabal eta Zabaleta, eta hirugarren puntua eskuratu dute CaixaBank Mastersen.
Laso eta Iztueta dira Bilboko Aste Nagusiko txapeldunak
Lasok eta Iztuetak irabazi dute 2026ko Bilboko Aste Nagusiko txapelketa, finalean Elordi eta Zabaleta 11-22 garaituta. Hasieratik agindu dute markagailuan, eta, gorriek hurbiltzea lortu duten arren, azken tantoetan jaun eta jabe izan dira urdinak.
Etxeberriak eta Imazek Laso eta Martija menderatu dituzte, 18-22, eta CaixaBank Mastersko sailkapena are gehiago estutu dute
Peio Etxeberria Altuna III.aren ordez aritu da, Zarautzen; nafarrak eta Imazek bikotearen aurreneko puntua eskuratu dute, eta Lasok eta Martijak, ordea, bi puntu dituztela jarraitzen dute.
Elordik eta Mariezkurrena II.ak argi menderatu dituzte Ezkurdia eta Albisu, CaixaBank Mastersean (8-22)
Bikote urdina hasieratik izan da oso nagusi, Elizondon ostiral gauean jokatutako partidan, eta, hala, 3 puntu daramatza txapelketan; Ezkurdiak eta Albisuk, ordea, puntu bakarra dute sailkapenean.