Finalerdietarako azken tokia, erabakitzeke
Jokin Altunak eta Julen Martijak 22-15 irabazi zieten Iñaki Artola eta Jon Mariezkurrenari, igandean, Tolosako Beotibarren, Binakako Txapelketari zegokion 13. jardunaldiko azken norgehiagokan.
Garaipen horri esker (jarraian lortzen duten laugarrena), oraindik ere finalerdietarako ligaxkan izateko aukerak dituzte; aitzitik, galdu izan balute, dagoeneko kalean leudeke.
Horrenbestez, aipatu bi bikote horien artean erabakiko da zein izango den txapelketako hurrengo fasean jardungo duen laugarren bikotea; izan ere, beste hirurak sailkatuta daude jada: Elezkano II.a-Rezusta, Irribarria-Zabaleta eta Olaizola II.a lesionatuaren ordez Albisurekin batera arituko den aurrelaria (itxura guztien arabera, Victor).
Datorren asteburuan, ligaxkako azken jardunaldia jokatuko da. Hiru neurketatan zerbait izango da jokoan, laugarrenean, ordea, ezer ez. Laugarren hori izango da, hain zuzen ere, jokatuko den lehena. Ostiralean izango da, Oñatin, eta bertan Urrutikoetxea-Aretxabaleta eta Elezkano II.a-Rezusta bikoteak arituko dira.
Larunbatean, aldiz, Ezkurdiari eta Galarzari egin beharko diete aurre Artolak eta Mariezkurrena II.ak, Iruñean. Altunaren eta Martijaren txanda, ordea, igandean iritsiko da, Donostiako Atano III.a pilotalekuan. Bengoetxea VI.a-Imaz bikotea izango dute aurkari.
Bestalde, larunbatean, Ataunen, Victorrek eta Albisuk Irribarriaren eta Zabaletaren kontra jokatuko duten partidak ere berebiziko garrantzia izan dezake. Hain justu ere, zortzi garaipen izan ditzaketen hiru bikoteren arteko berdinketa egon baitaiteke azkenean. Hori gertatuz gero, hiru bikote horien arteko zuzeneko norgehiagoketan izandako emaitzak begiratu beharko lirateke zein bikote sailkatuko litzatekeen argitzeko.
Honako hauek dira aukera posibleak:
Artolak eta Mariezkurrena II.ak nahitaez irabazi behar dute euren partida. Hala eginez gero, eta igandean Altuna III.ak eta Martijak galduko balute, lehenak sailkatuko lirateke.
Horrez gain, Artolak eta Mariezkurrena II.ak garaipena eskuratu eta, larunbatean bertan, Ataunen jokatuko den lehian Irribarria-Zabaleta bikotea gailenduko balitz, kasu horretan ere Artolak eta Mariezkurrenak egingo lukete aurrera.
Gainerako aukera guztiek Altuna eta Martijari egiten diete mesede. Aspeko bikotea hurrengo fasean egon liteke, nahiz eta euren neurketa galdu; alabaina, aldi berean, irabazita ere kanpoan geratzea gerta liteke.
2019KO BINAKAKO TXAPELKETAKO SAILKAPENA
13. jardunaldia
| BIKOTEA | IRABAZITA | TANTOAK ALDE | TTANTOAK KONTRA | +/- | |
| 1. | Elezkano II.a - Rezusta | 9 | 249 | 202 | +47 |
| 2. | Irribarria - Zabaleta | 8 | 263 | 203 | +60 |
| 3. | Olaizola II.a - Albisu | 8 | 248 | 234 | +14 |
| 4. | Artola - Mariezkurrena II.a | 7 | 235 | 229 | +06 |
| 5. | Altuna III.a - Martija | 7 | 242 | 242 | 0 |
| 6. | Ezkurdia - Ladis Galarza | 6 | 234 | 239 | -05 |
| 7. | Bengoetxea VI.a - Imaz | 4 | 202 | 253 | -51 |
| 8. | Urrutikoetxea - Aretxabaleta | 3 | 202 | 273 | -71 |
Zure interesekoa izan daiteke
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.
Altunak eta Ezkurdiak garaipena lortu dute Elordiren eta Zabaletaren aurka (22-16)
Altunak eta Ezkurdiak finalerdietako ligaxkako lehen partidan 22-16 garaitu dituzte Elordi eta Zabaleta. 9-9 berdindu ostean, gorriek partida hautsi eta markagailuan ihes egin dute.
Igandeko partidarako materiala aukeratu dute Laso-Albisu eta Jaka-Iztueta bikoteek
Igande honetan Laso-Albisu eta Jaka-Iztueta bikoteek jokatuko duten Eskuz Binakako Txapelketako finalaurrekoetako partidarako pilotak hautatzeko hitzordua izan dute asteazken goizean. Partidari begira nola sentitzen diren ere adierazi dute hedabideen aurrean.
Binakako Txapelketako finalaurrekoak abiatuko dira asteburuan, Altuna-Ezkurdia vs Elordi-Zabaleta partidarekin
Ezkurdia ondoezik, gainerako hiru pilotariek hartu dute parte astearte goizean Donostian egindako pilota-aukeraketan. Hala, Altunak, Elordik eta Zabaletak hautatu dute asteburuan erabiliko duten materiala. Emaitza- zein joko-bolada onean iritsiko dira hitzordura.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.